Qarqaraly aýdanynyń qııan túkpirindegi 6 tútindi aıadaı aýyl – Shildebaıdyń turǵyndary el mereıtoıy aldynda úlken qýanyshqa bólendi. Jer shalǵaılyǵyna baılanysty biraz jyldan beri elektr qýaty aǵytylyp qalǵan Myrjyq taýynyń baýraıyndaǵy bul eldi mekenniń ár úıi keshe samaladaı jarqyrady. 10 shaqyrym qashyqtyqtan arnaıy tartylǵan joǵary kerneýli elektr jelisi aýyldyqtardy úlken qýanyshqa keneltti. Kóshege, aýlalarǵa ornatylǵan 9 sham alystan kóz tartqyzady.
Bul isti jergilikti «Energııa DSB» JShS mereıli merekege deıin atqaryp shyǵýdy jyl basynda jobalaǵan edi. Olar óz sózderinde turdy.
Aıqyn NESIPBAI,
Qaraǵandy oblysy,
Qarqaraly aýdany.