Atyraýda 11 shildede bastalǵan chellendj 8 qyrkúıekke deıin jalǵasady, dep habarlaıdy Atyraý oblystyq О́ńirlik kommýnıkasııalar qyzmeti.
Marafon 11 shilde kúni Atyraýdaǵy «Retro park» saıabaǵynda bastaldy. Búgingi shara qalalyq №7 emhana men Atyraý medısınalyq kolledji jáne salaýatty ómir saltyn qalyptastyrý ortalyǵynyń uıymdastyrýymen ótip otyr. Mundaǵy basty maqsat - árbir adamnyń óz densaýlyǵyna degen jaýapkershiligin arttyrý.
Marafon 5 stansııadan turady: densaýlyqqa keri áserin tıgizetin tuzdan saqtaný; kúnine 2 lıtr sý ishý;jemis-jıdekter stansııasynda vıtamınderdiń adam densaýlyǵyna paıdasyn túsindirý; jazataıym jaǵdaı oryn alǵan kezde oryndaýǵa tıis is-árekettermen tanystyrý; kúnine 10 myń qadam jaıaý júrý. Uıymdastyrýshylardyń aıtýynsha, osy tapsyrmalardy kúndelikti oryndaý arqyly, densaýlyqty nyǵaıtýǵa bolady.
- Marafonda qoıyp otyrǵan talaptarymyzdy ár mekeme jáne turǵyn óz deńgeıinde jalǵastyryp otyrýy qajet. Qyrkúıek aıynyń 8-shi juldyzynda materıaldar respýblıkaǵa joldanyp, qorytyndysy shyǵady. Osy marafonnyń erejelerin oryndaǵandar arnaıy alǵys hattar men baǵaly syılyqtarmen marapattalatyn bolady,- deıdi Atyraý medısına kolledjiniń dırektory Laýra Kýbaeva.
Aıta keteıik, bastamaǵa qatysýshylar mindetti túrde salaýatty ómir saltyn qalyptastyrý ortalyǵynyń áleýmettik jelilerine tirkelip, bastamany qoldaıtyndyqtaryn sýret nemese beıne arqyly, «densaýlyq kepili salamatty ádetter marafony» heshtegteri arqyly áleýmettik jelilerde bólisýi tıis.