Analar ardaqtalyp, kelinder marapattaldy

«Táýelsizdiktiń 20 shyńy» jul­dyzdy kúnderiniń shyraıly shara­patyna bólengen kóp balaly analar Mádenıet saraıynda tálimdi bas­qosý ótkizdi. Qazir Kókshetaý qala­synda 83 «Batyr ana», 409 «Altyn alqa» ıegeri tirshilik tamyzyǵyn mazdatýda. Al bes balany tár­bıelegenderdi qosqanda olardyń sany 500-ge jaqyndaıdy eken. «Bir qolymen besikti, bir qo­lymen álemdi terbetken» ana­lar­dy Kókshetaý qalasy ákiminiń oryn­­basary Tasbolat Kákpenov qut­­tyqtap, merekelik syı-sııapat tap­syrdy. Asyl jandar qurme­tine án shyrqalyp, dombyra kúm­birledi. Balabaqsha balǵynda­ry­nan bastap, aty áıgili qaırat­ker­ler, óner maı­talmandarynyń jú­rek­jardy lebizderi záýlim zal­dy alǵys sezimimen terbetip tur­ǵan­daı edi. Analar men ájeler bul joly «Kelinder saıysy» baıqaýyn ta­masha­lady. Oblys ortalyǵyn­daǵy aqtyq synǵa 9 kelin shaqyrylǵan eken. Olar otbasylyq qundylyq­tar, ulttyq salt-dástúrlerimiz, kúnde­lik­ti qarym-qatynas qaǵıdat­ta­rynan óne­ge tókken arýlar jurt­shylyqty qol ónerimen de, án ónerimen de tánti etti. Qazylar alqasyndaǵy qaıyn eneler birinshi orynǵa Atbasar qala­synan kelgen Ásem Áb­dirahmanova, al júldeli oryn­darǵa kókshetaýlyq Bıbiajar Isa­bekova men býrabaılyq Baqyt­jamal Rama­zanovany laıyqty dep tapty. Baıqaýǵa qatysýshylar Qazaq­stan Respýblıkasy Prezıdenti ja­nyndaǵy Áıelder isteri jáne ot­basylyq-demografııalyq saıasat jó­­nindegi ulttyq komıssııanyń alǵys hattarymen marapattaldy. Baqbergen AMALBEK, Aqmola oblysy.