Nursultan Nazarbaev Zámzágúl Sháripovanyń qaıtys bolýyna baılanysty týǵan-týysqandary men jaqyndaryna kóńil aıtý jedelhatyn joldady, dep habarlaıdy Aqordanyń baspasóz qyzmeti.
Memleket basshysy Qazaqstannyń halyq ártisi, teatr jáne kıno óneriniń maıtalmany Zámzágúl Sháripovanyń týǵan-týysqandary men jaqyndaryna kóńil aıtty.
«Zámzágúl Núsipbaıqyzy ulttyq dramatýrgııa salasyndaǵy talantty akterler shoǵyrynyń beldi ókilderiniń biri bolatyn. Onyń kınoda jáne teatr sahnasynda somdaǵan aıshyqty rólderin ónersúıer qaýym árdaıym qyzyǵa tamashalady. Ol eshkimge uqsamaıtyn qaıtalanbas qoltańbasy arqyly óz salasynda aıryqsha iz qaldyrdy.
Zámzágúl Sháripovanyń qazaq ónerindegi erekshe orny men jarqyn dıdary eshqashan umytylmaıdy dep senemin», – delingen jedelhatta.