Qazaqstanda 2018 jylǵy 1 shildeden bastap 18 jastan asqan bala kezinen birinshi toptaǵy múgedekke kútimdi júzege asyratyn adamdarǵa jańa memlekettik járdemaqy engizildi.
Járdemaqynyń mólsheri aǵymdaǵy jyly eń tómen kúnkóris deńgeıinen 1,05 nemese 29 699 teńgeni quraıdy. Járdemaqy 18 jastan asqan, bala kezinen birinshi toptaǵy múgedekke kútimdi júzege asyratyn adamdarǵa tólenedi.
Atap ótken jón, barlyq tıisti áleýmettik tólemder múgedekter úshin saqtalady. Járdemaqy bala kezinen birinshi toptaǵy múgedek nemese onyń zańdy ókili júgingen kúnnen bastap bala kezinen birinshi toptaǵy múgedektik belgilengen barlyq kezeńge taǵaıyndalady.
Bul rette bala kezinen birinshi toptaǵy múgedekke kútim kórsetý boıynsha járdemaqy myna adamdarǵa: kámelet jasqa tolmaǵan, sot áreketke qabiletsiz ne qabilettigi shekteýli dep tanyǵan, psıhıatrııalyq jáne narkologııalyq dıspanserde esepte turǵandarǵa taǵaıyndalmaıdy.
Otbasynda eki nemese odan kóp bala kezinen birinshi toptaǵy múgedek bolǵan jaǵdaıda járdemaqy olardyń árqaısysyna taǵaıyndalady jáne tólenedi.
Osylaısha, járdemaqyny 14 myńǵa jýyq otbasy alatyn bolady.
«Egemen-aqparat»