Depýtattar el ishinde (17.07.2018)

Kezdesý barysynda sport mektebiniń dırektory О́tegen Sábıtov depýtattarǵa 9-15 jas aralyǵyndaǵy 750 balanyń 42 sport tobynda jattyǵyp, olar­ǵa 26 jattyqtyrýshy sabaq bere­tinin aıtyp ótti. «Oqýshy­lary­myz respýblıkalyq jáne halyq­aralyq deńgeıdegi olımpıa­da­lardan júldeli oryndar alyp, top jaryp júr. Máselen, olar Kókshetaýda ótken Azııa chem­pıonaty men álem­dik qol kúre­si oıyndarynda úzdik shyq­ty. Ba­lalar men jas­ós­pirim­derdi sport­qa baýlyp kele jatqan oqý orda­synyń irgetasy 2015 jy­ly qalansa da búgingi kúni oqý­sh­y­larǵa tarshylyq etip otyr», – dedi О́.Sábıtov. 

О́z kezeginde, Májilis depýtattary bul máseleniń sheshilýin ba­qylaýlaryna alatynyn jet­kizdi. 

Parlament Májilisi Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov Shyǵys Qazaqstan oblysynda óńir halqymen kezdesýler ótkizýde.

Depýtat Aıagóz aýdanynyń Aq­sháýli, Myńbulaq aýyldaryn­da, Kókpekti aýdanynyń Kók­pekti, Samarskoe, Bastaýshy aýyl­darynda, Kúrshim aýda­ny­nyń Kúrshim, Marqakól, Qal­jyr jáne Boran aýyldarynda tur­ǵyndarmen júzdesti. Onda de­pýtat Nurtaı Sabılıanov aýyl turǵyndaryna «Prezıdenttiń bes áleýmettik bastamasynyń» qazaqstandyqtarǵa mańyzy zor ekenin túsindirdi. Sondaı-aq olar­dy júzege asyrýdyń mindet­teri men Memleket basshysy  N.Na­zarbaevtyń «Tórtinshi óner­kásiptik revolıýsııa jaǵdaıyn­daǵy damýdyń jańa múmkin­dikteri» atty Qazaqstan hal­qyna Joldaýynyń negizgi mindet­te­ri­niń júzege asýy týraly jet­­kizdi. Sonymen qatar depýtat Par­lamenttiń zań shyǵarý qyzmeti týraly saılaýshylarǵa aqparat berdi. 

Aýdan turǵyndary, óz keze­gin­de aýyl sharýashylyǵyn, kásip­ker­likti damytý, shaǵyn nesıeleý, turǵyn úımen, aýyz sýmen, gaz­ben qamtamasyz etý, avtojol­dardy jóndeý, halyqty jumys­pen qamtý, áleýmettik qamsyz­dandyrý, densaýlyq saqtaý, ınternet-baılanysty damytý jáne áleýmettik nysandardy salý sııaqty basqa da máselelerdi kóterdi. Saılaýshylarmen ót­ken kezdesý barysynda depýtat eldegi sýmen jabdyqtaý nysan­darynyń qurylysy men avtojoldardy rekonstrýksııalaý bary­symen tanysty. Kezdesý Shyǵys Qazaqstan oblysy Zaı­san, Tarbaǵataı, Úrjar aýdanda­ryna qarasty eldi mekenderde jalǵasady.

Májilis depýtattary Gúljan Qaraqusova men Tatıana Iаkov­leva Aqmola oblysyndaǵy Aqmol aýylynda ornalasqan «Jańa Servıs-2007» kásiporyn ujymymen kezdesti.

Búgingi tańda avtoklavty gaz-beton shyǵaratyn zaýyt aı­maqty ǵana emes, óńirdegi barlyq qurylys bazarlaryn zamanaýı jáne sapaly materıaldarmen úzdiksiz qamtamasyz etýde. Bıyl­ǵy mamyr aıynan beri 1344 sharshy metr gazoblok shyǵa­ryp úlgergen kásiporyn Se­lı­­nograd aýdanynyń ındýs­trııa­­lan­dyrý kartasyna engen. Sapar barysynda Májilis depýtattary zaýyttaǵy óndiris prosesimen tanysyp, kásiporyn jumysshylaryna elimizde júzege asyp jatqan bes áleýmettik bas­tamany iske asyrý tetik­teri­ne toqtalyp, qurylys ındýs­trııa­syna arnalǵan pers­pek­tı­valar zaýyttyń damýyna ja­ńa múmkindikter týǵyzatynyn jet­kizdi.

Májilistiń halyqaralyq ister, qorǵanys jáne qaýipsizdik komıtetiniń tóraǵasy Muhtar Erman men depýtat Sergeı Zvolskıı Soltústik Qazaqstan oblysyndaǵy jumys sapary aıasynda Petropavl qalasyndaǵy Oqýshylar saraıynyń qurylysymen tanysty. 

Jańa Oqýshylar saraıy 1800 balaǵa eseptelgen, qurylysynyń aıaqtalý merzimi osy jyldyń qyrkúıek aıyna josparlanyp otyr. Nysannyń basty maqsaty – balalardyń jobalaý-zertteý qyzmetin jáne ǵylymı-teh­nıkalyq shyǵarmashylyǵyn da­mytý. Keleshekte Oqýshylar saraıynyń bazasynda IT-or­ta­lyq, zerthanalar, ınno­va­sııa­lyq kovorkıng-aımaq bolady. On­da sóılesý bólmeleri, smart-keńseler, kom­pıý­terlendirilgen aımaqtar qam­tylady. Sondaı-aq saraı­da kórkemdik-estetıkalyq baǵyttaǵy shyǵarmashylyq aımaq ta nazardan tys qalmaǵan. Onda balalar horeografııa, teatr jáne vokaldyq daǵdylardy úırenedi. Májilis depýtaty Muhtar Erman qurylys nysanymen tanysa kelip, «Nur Otan» partııasynyń jastarǵa baǵyttalǵan jańa jobalary bar ekenine, ol elimizdegi kóptegen talantty jastardyń óz áleýetin jan-jaqty iske asyrýǵa múmkindik beretinin jetkizdi.