Ýkraına azamaty, ǵalym, qoǵam jáne saıasat qaıratkeri retinde maǵan Prezıdent Nursultan Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýymen tanysyp, oǵan qatysty pikir bildirý men úshin úlken qurmet.
Menińshe, bul Joldaýdan árbir qazaqstandyq qazirgi tańda ózin mazalaǵan kez kelgen máselege, memlekettiń damý strategııasyna, maqsaty men mindetterine, eń mańyzdysy, kútken nátıjege qatysty jaýap taba alady.
Joldaý – Memleket basshysy Nursultan Nazarbaevtyń eshqandaı deldalsyz árbir azamatpen tikeleı áńgimelesýi dep aıtsaq bolady. Ol jasqa da, kárige de ortaq. Bul Tórtinshi ónerkásiptik revolıýsııa jaǵdaıynda tarıhı belestiń aldynda turǵan halyqtyń birligin qamtamasyz etýdiń saıası turaqtylyq pen qoǵamdyq kelisimge qol jetkizýdiń basty sharty. Qazaqstan halqy óz Prezıdentteriniń danalyǵy men sóziniń beriktigine, kóregen saıasatyna senedi.
Joldaý memlekettiń qazirgi jaǵdaıyn, ekonomıkalyq jáne áleýmettik-saıası ómirdegi negizgi ózgeristerdi taldaýdan bastalady. Ult jospary júzege asyrylyp jatyr, Qazaqstannyń úshinshi jańǵyrýy bastaldy, Indýstrııalandyrý baǵdarlamasy oryndalýda, «Sıfrly Qazaqstan» baǵdarlamasy qabyldandy. Sonymen qatar Qazaqstannyń barlyq azamattary úshin eń bastysy memlekettik saıasattyń beriktigi men uzaqmerzimdi jospardyń ózgermeýi.
Búginde búkil álem moıyndap, senetin ári qurmetteıtin táýelsiz Qazaqstan quryldy. Qazaqstan BUU Qaýipsizdik Keńesiniń turaqty emes músheligine saılandy, EKSPO-2017 halyqaralyq mamandandyrylǵan kórmesin sátti ótkizdi. Munda naryqtyq ekonomıkanyń modeli sátti jumys isteıdi. Ortasha top qalyptasty, kedeıshilik aıtarlyqtaı tómendedi, jumyssyzdyq deńgeıi azaıdy. Kóptegen postkeńestik memleketterden, tipti qazirgi Eýropadan aıyrmashylyǵy Qazaqstanda azamattyq beıbitshilik, etnosaralyq jáne konfessııalyq kelisim bar. Bunyń bári Memleket basshysynyń mańyzdy jáne jahandyq jetistikterge qol jetkizip, jańa mindetter qoıýǵa múmkindik beredi. Bul maqsatqa jetý úshin ındýstrııalandyrý, resýrstyq áleýetti odan ári damytý, agroónerkásiptik keshendi damytýdyń quramdas bóligi retinde «Aqyldy tehnologııalardy» jetildirý, kólik-logıstıkalyq ınfraqurylymnyń tıimdiligin arttyrý, memlekettiń qoǵamdyq qurylysynda zamanaýı tehnologııalar qoldaný, qarjy sektoryn damytý jáne sapasyn kóterý, adam kapıtalyn el ekonomıkasyn damytýǵa tıimdi paıdalaný qajet.
Adam kapıtalyna erekshe kóńil bólý – ábden zerdelengen memlekettik saıasattyń úlgisi. Iаǵnı, qazaq tilin úırenýdiń tásilderi, orta mekteptegi oqýshylarǵa júktemeni retteý, qazaq tilin jańǵyrtýdyń qajettiligi, mektep oqýshylarynyń aǵylshyn tilin erkin meńgerýi, sıfrly bilim berý resýrstaryn damytý, ýnıversıtetterde ǵylymdy damytýǵa basymdyq berý aıtylady. Osy máselelerdi oryndaǵan jaǵdaıda qazaq qoǵamy óz tarıhyn, tilin, mádenıetin biletin, shet tilderin meńgergen, ozyq jáne jahandyq kózqarastary bar zamanaýı ortaǵa aınalady.
Budan bólek, Joldaýda memlekettik basqarýdy tıimdi júrgizý, sybaılas jemqorlyqpen kúres jáne zańnyń ústemdigi, «Aqyldy ult» úshin «aqyldy qalalar» máseleleri aıtylǵan.
Atalǵan mindetter Qazaqstannyń ishki turaqtylyǵyn qamtamasyz etip, halyqaralyq arenada bedelin odan ári nyǵaıtatynyna senimdimiz. Qazaqstan Eýropadaǵy, Azııadaǵy jáne Latyn Amerıkadaǵy kóptegen elderge Sıngapýr tárizdi úlgi bola alady. «Aqyldy» halyqtyń «aqyldy» memleketi qandaı ekenin kórsetedi.
Men Qazaqstannyń órkendeýin, tynyshtyqta bolýyn, josparlanǵan reformalardy batyl júzege asyrýyn, gúldenýin tileımin.
Nıkolaı KORESKII,
Memlekettik basqarý ǵylymdarynyń doktory, professor, Ýkraına ǵylymy men tehnıkasynyń qurmetti qyzmetkeri, «Konstantın Ipsılantı» atyndaǵy Kıev qalasy grekter qoǵamdastyǵynyń» tóraǵasy