«О́negeli ómir» serııasymen jaryq kórgen jınaqtyń tusaýkeseri ótti

Saltanatty jıyndy ashqan QazUÝ rektory, akademık Ǵa­lym­qaıyr Mutanov Asqar Zaka­rınniń otandyq joǵary bilimdi damytýǵa qosqan zor úlesi jaıly sóz qozǵady. Qabyrǵaly qaı­­ratker ǵylymı mektep qu­ryp, sońynan shákirt ertti, oq­ý ornynyń halyqaralyq ǵy­lymı baılanystaryn damytty, stýdenttik qalashyqtyń ne­gizin qalady, mehanıka-mate­matıka fakýltetiniń jańa ǵımaratyn turǵyzdy. A.Zakarın gıdrobıo­logııa, ıhtıologııa, meteoro­logııa, joǵary matematıka, orys fılologııasy, qatty deneler fızıkasy jáne basqa jańa ka­fedralardyń, joǵary oqý oryndary úshin biliktilikti arttyrý fakýlteti men fılosofııa-ekonomıka fakýltetiniń, stý­dentterdiń Muhtar Áýezov atyn­daǵy ádebı birlestigi men «Jeti mýza» qoǵamynyń ashylýyna muryndyq boldy.

Asqar Zakarııaulynyń ǵalym, uıymdastyrýshy jáne tulǵa retindegi beınesin onyń bel balasy, Memlekettik syılyqtyń laýreaty, fızık-ǵalym Edige Zakarın te­birene eske aldy. Professor A.Za­karın memleket qaıratkeri retinde talaı asýdan ótip, Qa­zaq KSR Joǵarǵy Keńesiniń tór­aǵasy, Qazaqstan Úkimeti tór­aǵasynyń orynbasary, Oqý-aǵar­tý mınıstri, Syrtqy ister mı­nıstri, Qazaq KSR Joǵarǵy Keńesiniń depýtaty qyzmetterin abyroımen atqarǵanyn tilge tıek etken Edige Asqaruly alqaly jı­yndy uıymdastyrǵan ýnıver­sıtet basshylyǵyna alǵysyn bildirdi.

Jınaqtyń bas redaktory, akademık Ǵ.Mutanovtyń alǵy­sózimen ashylǵan kitapqa As­qar Zakarınniń Máskeýde ja­ryq kór­gen irgeli ǵylymı jumys­ta­rymen qatar onyń qazaq tilin­de talapker jastarǵa arnap jazǵan «Geometrııanyń alǵashqy uǵymdary», «Teńdeýler men toptar», «Afındik geometrııa» sııaq­ty eńbekteri, Evarıst Galýa, Nıls Genrık Abel, Albert Eınshteın syndy uly ǵalymdar jaıyndaǵy jazbalary engen. Jınaqta sondaı-aq akademıkter О́mirzaq Sultanǵazın, Isa Baıtýlın, Zulqaıyr Mansurov jáne Tólegen Qojamqulovtyń qaıratker týraly maqalalary, bel­gili jazýshy-jýrnalıst Qaısar Álimniń «Zańǵar Zaka­rın» atty kólemdi ocherki, aqyn Serik Turǵynbekovtiń este­ligi, ýnıversıtettiń kafedra meń­gerýshisi Jetpisbaı Bek­bolat­ulynyń «Paryzǵa adal­dyq» atty ǵumyrnamalyq baıany berilgen. 

Qońyr MUQATAEVA,  ál-Farabı atyndaǵy QazUÝ dosenti