Brıtandyq «Travelodge» qonaqúıler jelisi jyl saıyn qonaq bólmelerde umyt qalatyn zattardyń tizimi jasaıdy.
Birde, tipti umyt qalǵan buıymdar arasyndaǵy birtúrli, adam oıyna kirmeıtin, zattardyń da tizimin jarııalaǵan. Onyń ishinde úı janýarlarymen qosa, vannada tabylǵan akýla da bolǵan. 10 myń dollarlyq alynbaly-salynbaly altyn tister, antıkvarıat-átkenshek, 75 myń dollarlyq Rolex saǵaty, qoqys jáshigine tastalǵan altyn aqshalar bar. Birde toıǵa asyqqan erli-zaıyptylar bir-birine senip bir jarym jasar sábılerin de umytyp ketken jaǵdaı bolypty. Qudaı saqtaǵanda, olar qonaqúıge tez arada oralyp, balalarymen amandyqta qaýyshqan.
Jarııalanǵan tizimniń ishinde «umytylǵysh» kitaptar da bar. Ol kitaptar ne úshin umytyla beretinin de dóp basyp aıtý qıyn. Sómkelerine syımaı qaldy ma, álde kezdeısoq umytyldy ma, bir Qudaı bilsin. Múmkin basqa adamdar da oqysyn degen oı bolǵan shyǵar... Kóbine kórkem ádebıet (mahabbat hıkaıasy, balalar ádebıeti).
Byltyrǵy umyt bolǵan 20 kitaptyń tizimi tómendegideı:
1. Erık Leonard Djeıms «Bostandyqtyń elý reńi» 2. Sılvııa Deı «Sen úshin...» 3. Djennıfer Probst «Neke kelisimi» 4. Gıllıan Flınn «Joǵalǵan arý» 5. Dj.K. Roýlıng «Kezdeısoq vakansııa» 6. E.L. Djeıms «Sur tústiń elý reńi» 7. Sılvııa Deı «О́zińmin» 8. Bredlı Ýıggıns «Meniń ýaqytym» 9. Sılvııa Deı «О́zińmen birge» 10. E.L. Djeıms «Elý ese qarańǵy» 11. Sherıl Koýl «Meniń tarıhym» 12. Djennıfer Probst «Neke qaqpany» 13. Devıd Ýollıams «Kemp Devıd» 14. Djennıfer Ýorf «Akýsherdi shaqyrý. 1950 jyldarda Ist-Endtyń bastan keshkenderi» 15. S.Dj. Ýotson «Men uıyqtaǵansha» 16. Djennıfer Probst «Neke qateligi» 17. Djon Grıshem «Reketır» 18. Sofı Hanna «Tasymaldaýshy» 19. Don French «Qymbatty Sılvııa» 20. Frensıs Skott Fısdjerald «Uly Getsbı»
Baǵashar TURSYNBAIULY, «Egemen Qazaqstan»