Aqtaýda Mańǵystaý oblysynyń ákimi E.Toǵjanov pen Túrikmenstan Qazaqstandaǵy Tótenshe jáne ókiletti elshisi T.Kómekov bastaǵan delegasııa kezdesti.
Taraptar tamyz aıynda ótetin Kaspıı mańy memleketteri Sammıtiniń mańyzdylyǵyna toqtalyp, halyqaralyq jıyn eki el arasyndaǵy baılanysty odan ári kúsheıte túsetinin atap ótti. Kezdesý barysynda óńir basshysy E.Toǵjanov aldaǵy sammıt aıasynda Qazaqstan men Túrkimenstan úshin mańyzdy úsh máseleni kóterdi. Atap aıtsaq, kólik dálizi, áýe qatynasy jáne Qazaqstan men Túrikmenstan arasyndaǵy vızalyq máselelerdi talqylaýdy usyndy. Túrikmensandyq dıplomattar aldaǵy sammıt halyqaralyq baılanystardy damytýǵa serpin beretinin ári birlesken jobalardyń júzege asýyna múmkindik beretinin aıtty.
-Túrikmenstan prezıdentiniń bastamasy boıynsha saýda-ekonomıkalyq qatynastar men Kaspıı elderi arasyndaǵy kóliktik yntymaqtastyq týraly qujattar ázirlenýde. Aldaǵy sammıtte atalǵan joba boıynsha naqty sheshim qabyldatanyna senimiz mol. Qazaqstan qabyldaýshy el retinde osy mańyzdy sharany joǵary deńgeıde ótkizýde sáttilik tileımin, dedi Túrikmenstannyń Tótenshe jáne ókiletti elshisi Toıly Kómekov.
Gúlaıym ShYNTEMIRQYZY, «Egemen Qazaqstan»