«Nur Otan» partııasy Jańaózen qalalyq fılıalynyń quramyndaǵy «Shańyraq» BPU uıymdastyrýymen «Astanammen maqtanam!» taqyrybynda dóńgelek ústel ótkizildi.
Atalǵan sharaǵa Jańaózen qalalyq ortalyq kitaphanasynyń Qyzylsaı aýylyndaǵy №3 bólimshe meńgerýshisi Gúlbarshyn Isaeva, Qyzylsaı aýyly ákimdiginiń bas mamany Raıymbek Syrymov jáne aýyldyń belsendi jastary qatysty. Dóńgelek ústel barysynda «Elordanyń tarıhy», «Astana neden bastaldy», «Astana - qazaq eliniń astanasy» atty taqyryptarda baıandamalar oqylyp, qatysýshylar óz pikirlerimen bólisti.
- 6 shilde bizdiń elimizdegi eleýli kúnderdiń biri. Bul - ásem Astananyń týǵan kúni. Astana mereıtoıy - elimizdiń mańyzdy jalpyulttyq meıramy.Astana álemdik sáýlet óneriniń sonǵy týyndylarynyń biri. Saryarqanyń ortasynda saǵymdaı bolǵan Han shatyry, Astana-Báıterek, Pıramıda kógildir túske boıanǵan saraılary, mýzyka áýenine bılegen sý burqaqtary, EKSPO ǵımarattary jáne sońǵy úlgidegi salynǵan keńseler men kózdiń jaýyn alatyn turǵyn úıler - sáýlet ónerindegi úzdik týyndylardyń biregeıi. Osynyń barlyǵy sanaýly jyldar ishinde boı kóterip, álem qońaqtaryn tań qaldyrady, dedi Qyzylsaı aýyly ákimdiginiń bas mamany R. Syrymov.
Gúlaıym ShYNTEMIRQYZY, «Egemen Qazaqstan»