Jańa áskerı mamandyqtar ashyldy

Qorǵanys mınıstrligi Kadr­lar jáne áskerı bilim de­par­ta­me­ntinen habarlaǵandaı, Qor­ǵa­nys mınıstrliginiń áskerı JOO-lary men Kadet korpýsyna oqý­ǵa túsý úshin Qazaqstannyń túkpir-túkpirinen 3000-ǵa jýyq adam qujat tapsyrǵan. Olardyń barlyǵy bólingen 865 orynǵa úmit­tenip otyr. Aǵymdaǵy jyl­ǵy 20 shildeden bastap bozbalalar tórt kezeńdi qamtıtyn irik­teýden ótý úshin oqý orynda­ry­na kele bastaıdy. Eger aza­mat­tyq jalpy bilim berý mek­tep­teriniń túlekteri aldyn-ala me­dısınalyq kýálandyrýdy ózderiniń óńirlerinde ótse, ká­si­bı psıhologııalyq irikteý, de­ne daıyndyǵyn, túbegeıli me­dı­sınalyq kýálandyrýdy olar­ǵa tikeleı bilim alatyn JOO-da ótýge týra keledi.

Aǵym­da­ǵy jy­ly alǵash ret Reseı Fe­de­ra­sııasy Qorǵanys mınıs­tr­­li­gi­niń áskerı oqý oryndaryna «Aýdarma jáne aýdarmany júr­gi­zý», «Geoaqparattyq kartogra­fııa», «Ǵaryshtyq keshender je­li­leri men baılanys júıeleri» já­ne «Jerústi áskerlerdegi emdeý isi» mamandyqtary boıynsha qyz balalardy qabyldaý júzege asyrylady. Atalmysh irikteý Almatyda Qurlyq áskerleri áskerı ınstıtýtynyń bazasynda ótetin bolady. Oqytý aıaqtalǵan soń qyzdar áskerı qyzmetti Qazaq­stannyń Qarýly Kúshteri qatarynda jalǵastyratyndaryn aıta ketý qajet. Bilikti mamandar bolýynyń, sondaı-aq básekege qa­biletti bilikti mamandardy daıar­laýdyń mańyzdylyǵyn tú­sine otyryp, Qarýly Kúshter qu­rylǵan sátten bastap áskerı bilim berýdi damytýǵa erekshe mán berildi.

Nátıjesinde 26 jyl ishinde Qazaqstanda Qarýly Kúsh­ter damýynyń keleshegine saı keletin áskerı kadrlardy daıarlaýdyń ulttyq júıesi qu­ryldy. Júıe úzdiksiz bilim be­rý prosesin qamtamasyz ete­di jáne «Bilim berý týraly» Qazaq­stan Respýblıkasynyń za­ńyn­da qarastyrylǵan bes deń­geı­di qamtıdy. Bul orta bi­lim, tehnıkalyq jáne kásibı, jo­ǵary bilim – bakalavrıat, joǵary oqý ornynan keıingi bilim – magıstratýra jáne doktorantýra, sondaı-aq qosymsha bilim – áskerı kafedralar, qaıta daıarlaý jáne biliktilikti arttyrý.

«Egemen-aqparat»