Qýanysh qushaǵyndaǵy Qazaqstan

Qanat ESKENDIR – Almatydan.

Almaty qalasy Qazaqstan Respýblıkasy Táýelsizdiginiń 20 jyldyǵyn merekeleýdi qala ákimdigi, Uly Otan jáne Aýǵanstan soǵysynyń ardagerleri men saıası partııalardyń jáne qoǵamdyq uıymdardyń ókilderi birlesip Jeltoqsan alańyndaǵy «Táýelsizdik» monýmentine gúl shoqtaryn qoıý rásiminen bastady. Sharaǵa qatysýshylar Táýelsizdik qurbandaryn únsiz eske alyp, olardyń rýhyna quran baǵyshtady. Ulttyq qaýipsizdik komıtetiniń polkovnıgi, ardager jýrnalıst Qarabı Muham­bet­qalıevtiń aıtýynsha, Táýelsizdik merekesi – eńbektegen baladan eńkeıgen kárige deıingi barlyq jastaǵylardyń eń qýa­nyshty kúni. Bul kúnge qol jetkizý úshin ata-babamyz qany men janyn táýekelge tikti. Onyń qadiri men qasıetin árbir ata-ana perzenti besikte jatqan kúnnen bastap sanasyna sińirýi tıis. Sonda ǵana Táýelsizdigimiz baıandy bolady, dep ol  jıylǵan top aldynda tebirene sóz sóıledi. Gúl qoıý rásiminen keıin almatylyqtar Astana ala­ńyn­da qazaqstandyq estrada juldyzdarynyń qatysýymen ót­ken merekelik konsertti tamashalap, basqa da merekelik sha­ra­larǵa qatysty. Keshkisin qazaq estradasynyń juldyz­da­ry Almas Kishkenbaev, Qaırat Nurtas, Gýlıa Tólegenova, Me­rýert Túsipbaeva, «Azııa», «Jiger», «All davaı» top­ta­rynyń konserttik baǵdarlamasy mereke sánin kirgizip, Almaty aspany otshashýmen kómkerildi.

 Baqtııar TAIJAN – Shymkentten.

Elbasy kóshetti jerge teris qadasa da tamyr alatyn shym qala – Shymkentti Qazaqstandaǵy úshinshi qalaǵa teńedi. Durys-aq. Biraq, osy úsh mıllıonǵa jýyq halqy bar oblystyń ortalyǵynda tańqalarsyz, tańqalmassyz sáýletti Neke saraıy joq edi. Qazir bar. Belgili kásipker, mesenat Ráshkúl Ospanálıeva qalanyń qaq ortasynan keremet saraı kóterdi de tastady. Jyl on eki aıdyń eki aıynda ǵana qar jatatyn Oń­tús­tikke Jeńil atletıka maneji kerektigi únemi aıtylatyn. Endi bar. Qazaqstan jeńil atletteriniń kóz qýanyshyna oraı ashylǵan Jeńil atletıka manejiniń tusaýyn Memleket basshysynyń ózi kesip berdi. Shymkentte Abaı saıabaǵy bar bolǵanymen, júresinen otyr­ǵan eskertkishinen basqa uly abyzdy eske túsiretindeı qundylyqtar joq bolatyn. Endi bar. Bıznestiń áleýmettik jaýap­kershiligi aıasynda “Hakim Abaı” murajaıy boı kóterdi. Qańtar-qarasha aıyn qosyp eseptegende, 324,5 mlrd. teńgeniń ónerkásip ónimi óndirilip, oblys ekonomıkasyn damytýǵa 228,8 mlrd. teńge baǵyttalǵan oblysta bári bar sııaqty kóringenimen, sırk joq edi. Atymen joq bolatyn. Ońtústiktiń balǵyndary sırki bar oblystaǵy balalarǵa qyzyǵyp júretin. Endi bar. Abaı atyndaǵy saıabaq ishinen salynǵan sırk Táýelsizdik kúnine tartý etildi. Balalardyń da, olardyń ata-analarynyń da qýanyshtarynda shek joq. – Elimizde jasalyp jatqan jaqsylyqtardyń barlyǵy el Táýelsizdigimen tikeleı baılanysty, – dedi oblys ákimi Asqar Myrzahmetov. – Qysqa merzim ishinde oblys ómirinde bir ǵasyrǵa júk bolatyndaı nysandar iske qosyldy. Osyn­daı jaqsylyqtar respýblıkamyzdyń barlyq oblystarynda jal­ǵasyp jatyr. Qazaq balasy alǵys aıtsa, qazaqtyń ba­syn tórge ozdyrǵan, abyroıyn arttyrǵan, álemdegi myqty mem­lekettermen ıyq tirestirýge jaraıtyn etken Elba­sy­myza rahmet aıtýy kerek. Táýelsizdigimiz baıandy bolsyn! Keshe toılanǵan mereıtoı mereıtoıǵa ulasa bersin.

 Baqbergen AMALBEK – Kókshetaýdan.

Qazaqstan Táýelsizdiginiń 20 jyldyǵy Aqmola oblysynyń tarıhyndaǵy eń uzaq jalpyhalyqtyq mereke retinde jadymyzǵa jazylady. Qarashanyń 26-synda «Meniń Qazaqstanym» patrıottyq aksııasymen bastalǵan «Táýelsizdiktiń jıyrma shyńynda» Kókshetaý qalasynyń ózinde ǵana 88 mádenı-kópshilik shara ótkizildi. Kúntizbelik oqıǵalardyń barlyǵy mándi-mańyzdy bolǵandyǵyn atap ótý qajet. Ásirese, áıgili jerlesterimiz, Memlekettik syılyqtyń laýreaty Sáken Júnisovtiń «Abylaı han», Orynbaı Janaıdarovtyń «Oqjetpes» spektaklderiniń qoıylymy el rýhyn aspandatqany anyq. Osy oraıda, Qazaqstan táýelsizdiginiń aıshyqty ári alǵashqy táberik músin-eskertkishterin somdaǵan Tólegen Dosmaǵambetovtiń ózine de eskertkish ashylýy zor qýanysh edi. Osynaý juldyzdy 20 kúnde oblys aýmaǵynda 36 nysan paıdalanýǵa berildi. Eńbekshilder aýdanynda ortalyq kitaphana men Birjan saldyń memorıaldyq kesheni, Kókshetaý qalasyndaǵy áýejaıdyń ushý-qoný jolaǵy, Táýelsizdik stellasy, Bulandyda klýb pen meshit, oblys ortalyǵy men aýdandardyń barlyǵynda turǵyn úıler, mektepter men shaǵyn balabaqsha ortalyqtary ashyldy. Sala qyzmetkerlerin, ardagerler men jastardy marapattaý sharalary da kóńil ósiredi. «Táýelsizdik» alańy bıyl aıryqsha qulpyra tústi. Alań­nyń ózi, onymen qanattas ortalyq saıabaq tolyqtaı qaıta jańǵyrtyldy. Kúni keshe boı kótergen záýlim «Táý­el­sizdik» stellasy barshamyzdyń arman-tilegimizdi aspan­da­typ tur. Alań 16 jeltoqsanda «Seni máńgi jyrlaımyn, Táýelsizdik!» atty mádenı-kópshilik baǵdarlamasymen jurtshylyqty erekshe tolǵanysqa bóledi. Elimizdiń basty merekesi merekelik otshashýmen jalǵasty.

 О́mir ESQALI – Petropavldan.

Qyzyljar óńirinde Qazaqstan Respýblıkasy Táýelsizdiginiń 20 jyldyǵyna  arnalǵan mereıtoılyq sharalar keń aýqymda qamtylyp, ózindik mazmundylyǵymen erekshelendi.  Oblys ortalyǵyndaǵy bas alańda «Táýelsiz el – tatý el» merekesiniń saltanatty ashylýy teatrlan­dyrylǵan qoıylym men konserttik baǵdarlamaǵa jalǵasty. Borkı  kentinde  turǵyndar arasynda shańǵy jarysynan qala birinshiligi ótti. Jumysshy kenti, Benzostroı  shaǵyn aýdandarynda merekelik saýda uıymdastyryldy. Drama teatrlarynda jańa qoıylymdar, mádenıet úıinde «Otanym – ánim meniń» patrıottyq ánder  konkýrsy tamashalandy. Bul joly 1986 jylǵy Jeltoqsan kóterilisi qurbandary men jazyqsyz japa shegýshilerine erekshe qurmet kórsetildi. Jerlesimiz, marqum Nurjan Qalıasqarovty eske túsirýge arnalǵan voleıbol týrnırine Petropavl qalasynan jáne Qyzyljar aýdanynan komandalar qatysyp,  jarys kórigin qyzdyrdy.  Júldeli oryndardy oblystyq qylmystyq-atqarý departamenti, Beskól kentindegi «Parasat» mektep-lıseıi jáne Petropavl áskerı ınstıtýtynyń voleıbolshylary ıelendi.  Sporttyq dodany qalalyq dene shynyqtyrý jáne sport bólimi, «Jeltoqsan aqıqaty» uıymy, Nurjan Qalıasqarov atyndaǵy qor uıymdastyryp,  B.Turǵaraev, Q. Shotaev, B. Shaımerlenov sekildi jekelegen azamattar demeýshilik kórsetti.

 Aıqyn NESIPBAI – Qaraǵandydan.

О́ndiristi óńir qalalary men aýdan ortalyqtary, aýyldary turǵyndaryn shattyqqa bólegen Táýelsizdiktiń torqaly toı dúbiri barlyq jerde shalqydy. Qaraǵandynyń  búkil mádenıet oshaqtary, sport oryndary, saıabaqtary tańerteńnen keshke deıin barsha jandy qyzǵylyqty mádenı-kópshilik sharalarǵa baýrady. Mereıli merekeniń dýmandy qushaǵy óńir jurtyna da aıqara ashyldy. Qarqaraly aýdandyq  mádenıet úıinde «Jasaı ber, Qazaqstan!» atty qala mekemeleri men oqý oryndary arasyndaǵy óner festıvali ótti. Ejelden án men kúıdiń ordasy sanalatyn aımaqtyń  ónerpazdary saıysynda  jańa talanttar tanyldy. Budan keıin merekelik saltanat sáni «Táýelsizdik – eldigim men erligim» taqyrybynda  « Kógildir ot» basynda kezdesýshilerdiń áserli keshimen jarasty. Osy ýaqytta balalar men jasóspirimderdiń úlken bir shoǵyry ortalyq stadıonda sporttyń qysqy túrleri boıynsha jarysty qyzdyryp jatty. Alystaǵy Egindibulaq kentiniń turǵyndary «Ba­ba­lar­dyń armany – bostandyqtyń aq tańy» atty teatrlan­dyryl­ǵan kórinisti tamashalasa, qaraǵaılylyqtarǵa arnalyp  «Táý­elsizdiktiń bıik týy»  konserttik  baǵdarlamasy usynyldy. Qarqaralylyqtar sııaqty Abaı aýdanynyń da jurt­shylyǵy merekelik kóńil-kúıdiń qushaǵynda boldy. Uly aqyn atyndaǵy qalada jańadan ashylǵan konserttik zalda, qalpyna keltirilgen  kenshiler Mádenıet saraıynda, qaıta­dan jaınap-jarqyraǵan stadıonda bas qosqan qaýym toı qýanyshyn ortaqtasa  bólisti. Bul kún Buqar jyraý aýdanyndaǵy Yntymaq aýyly ómirinde erekshe este qaldy. Jańadan ashylǵan klýbta  jer­gilikti jastar óz ónerlerin  ata-analaryna, aǵa-apa­laryna alǵash ret jaıly jaǵdaıda tanystyrdy. Merekelik toı-dýman  Teńizden  Balqashqa , Ulytaýdan Botaqaraǵa deıingi keń aımaqty jańǵyryqtyryp, jurt mereıin tasytty.

 Názıra JÁRIMBETOVA – Qostanaıdan.

Qostanaıda elimiz Táýelsizdiginiń 20 jyldyǵyna arnalyp  kóptegen sharalar ótken bolatyn. Olar mereke kúni de jalǵasyn tapty.  Syqyrlaǵan sary aıazǵa qa­ramastan qostanaılyqtar  qala ortalyǵyna  jınaldy. Ondaǵy Sıtı-ortalyqta merekelik jármeńke bastalyp ta ketti. Bul apta  saıyn ótetin  jármeńke emes, merekelik saýda bolǵandyqtan, onyń bezendirilýi de ǵajap edi. Adamdardyń júzinde merekelik kóńil-kúıdi aıaz da jasyra almady. Olar ortalyqqa saýda úshin de emes, merekede kórisý, biri-birine qutty bolsyn aıtý úshin jınalǵanyn ortalyqtaǵy ásem áýender de áıgileı túskendeı. Merekelik saýdamen qatar jurt ortalyqtaǵy oblystyq kórkem­­sý­ret galereıasynda jas qolónershiler Arlan Ańqaýov pen Aıdyn Dıhanbaevtyń «Táýelsizdik shýaǵy» atty kórmesiniń ashylýyn tamashalady. Jastar birlesken jumysyn Qazaqstan Táýelsizdiginiń 20 jyldyǵyna arnapty. Galereıanyń ekpozısııa zalynda eki sheber­diń qyryqqa jýyq jumysy qoıylǵan. Bul qazaq halqynyń sándik-qoldanbaly óneriniń úlgileri, ıaǵnı qurymnan tigilgen buıymdar men kıizden jasalǵan ulttyq mánerdegi pannolar kórermen qııalyn uly dalanyń tereń tarıhyna jeteleıdi. Ulttyq naqyshtaǵy oıý-órnekterdi paıdalaný avtorlarǵa tán qoltańba ekeni kórinip turdy. Búgin órimdeı jastardyń halqymyzdyń tól ónerin túletýi Táý­elsizdiktiń arqasynda jańǵyrǵan qoǵamdyq sananyń kórinisi edi. Arlan Qostanaı memlekettik pedagogıka kolledjiniń dızaın bóli­min aıaqtaǵannan keıin boıyndaǵy qabiletin ushtaı túsken. Ol apple­kasııanyń erekshe tehnıkasyn oılap tapty. Onyń boıalǵan júnnen órnektep, oı aıta bilgen pannolary mamandar tarapynan da jaqsy baǵasyn alyp júr. Al Aıdyn ákesinen úırengen kásibin da­mytyp, teri óńdep, odan torsyq pen qamshy túrlerin jasaıdy. Negizinen tabıǵı zattardy paıdalanyp, kórkem kompozısııalar jasaǵan jas qolónershiler shyǵarmalarynda Táýelsizdikti jyrlaıdy. Mereke kúni qala ortalyǵynda oblystyq fılarmonııanyń ártis­teri, óz kórkemónerpazdar ujymdary án men bıden shashý shashty.Sondaı-aq, sport jarystarynsyz mereke dýmany qyzbaıdy. Qos­tanaı qalasynyń irgesinde ornalasqan Zatobol kentindegi sportzalda basketboldan ardagerler arasyndaǵy oblystyq týrnır bastal­dy. Oblys ortalyǵynda qostanaılyqtar paýerlıftıngten erler jáne jasóspirim qyzdar men uldar arasynda ótken oblystyq ashyq chempıonatty tamashalady. Keshe qalalyqtar Qostanaıdyń shetindegi Tobyldyń jaǵasyna jınaldy. Onda sportsúıer qaýym shańǵy maýsymynyń ashylýyn tamashalady.

 Farıda BYQAI – Pavlodardan.

Merekege saı uıymdastyrylǵan saltanatty sharalar oblys ortalyǵyndaǵy ortalyq alańnan án-shashý tógip, qala ónerpazdary shyrqaǵan eldikti, egemendikti asqaqtatqan áýenderden bastaý aldy. Ortalyq alańda «Azat eldiń ulandary» merekelik baǵdarlama, halyqtyq serýen, sporttyq sharalar, jastarǵa arnalǵan konserttik baǵdarlamalar qyza tústi. Qalalar, aýyl-aımaq, aýdan ortalyqtary bári de Táýelsizdik merekesin atap ótýge saı laıyqty bezendirilgen. Kúnniń yzǵaryna qaramastan merekelik kóńil-kúıleri ornyqty halyq alańǵa kóp jınaldy. Táýelsizdik merekesiniń merekelik sherýi – halyqtyń mereıin kóterip-aq tastady. Jalpy, merekelik sharalar 16-17-18 úsh kúnge belginegen. Merekeniń alǵashqy kúni oblys ortalyǵyndaǵy «Shańyraq» ortalyǵy shyǵarmashylyq ujymda­ry­nyń «О́z elim meniń» merekelik konserti, «Beıbitshilik pen jasam­pazdyqtyń 20 jyly» kitap kórmeleri, tanymdyq oıyndar baǵdar­la­masyna jalǵasty. Estaı atyndaǵy Mádenıet saraıy «Táýelsiz el – maqtanyshym, órkendeı ber urpaq úshin» balalar shyǵarmashylyq ujymdarynyń merekelik konserti, djaz orkes­tri­niń konserti «Kolos» balalar mádenı oıyn-saýyq ortalyǵy shy­ǵarmashylyq ujymdarynyń «Kóńilashar» konserttik baǵdarlamasy «Dostyq» konsert zalynda avtorlyq án klýbynyń «Án – jyrym saǵan – týǵan jer!» konserti, memlekettik tildegi patrıottyq ánder kon­kýrsy men qalalyq etnostyq mádenıetter festıvali laýreat­ta­rynyń, kameralyq hordyń konserti, mektep jáne kolledj oqýshy­la­ry arasyndaǵy kóńildi tapqyrlar klýbynyń oıynyna ulasty. Merekelik sharalar barysy qalanyń árbir shaǵyn aýdandaryn qamtyǵan. Qýat Ábýseıitov atyndaǵy jastar úıinde kúni boıy qazaq kınolary kórsetilse, kitaphanalarda egemendik qurdastarymen kezdesýler, jańa kitaptar tusaýkeseri, aqyndardyń jyr músháırasy ótti. Qashyr aýdanynda ótken merekelik sharada halyq qazaq tilinde án salyp, bı bıledi. Osy kúni aýdan ortalyǵyndaǵy eki balabaq­sha­da qazaq tilinde tálim-tárbıe beretin toptar ashyldy. Oblys ortalyǵynda dárigerlerge 59 medısınalyq kólik berildi. Eldik, táýelsizdikke arnalǵan merekelik sharalardyń jalǵasy Estaı aqyn atyndaǵy Mádenıet saraıynda «Eńseli elim – Egemen Qazaqstan» atty oblys ortalyǵy ónerpazdarynyń úlken konsertine jalǵasty. Jarqyrǵan ot shashý kók júzin jarqyratty.

Kúmisjan BAIJAN – Taldyqorǵannan.

El Táýelsizdiginiń 20 jyldyq mereıli merekesi Almaty oblysynyń ortalyǵy – Taldyqorǵan qalasynda saltanatpen atalyp ótti. Tańerteńnen ortalyq alańǵa jınalǵan turǵyndar «Táýelsizdik – tiregimiz» taqyrybyndaǵy teatrlandyrylǵan ásem kórinis arqyly elimizdiń 20 jyldyń ishinde qol jetkizgen tolaıym jetistikterin kóz aldarynan taǵy bir ótkerdi. Merekelik kóńil-kúıdegidegi kópshilikti oblys ákiminiњ birinshi orynbasary Amandyq Batalov quttyqtady. – «Elý jylda – el jańa», deıdi dana halqymyz. Táýelsiz elimiz nebári 20 jyldyń ishinde keremet jetistikterge qol jetkizip, ǵasyrlyќ joldy júrip ótti, – dep sóz bastaǵan Amandyq Ǵabbasuly baıtaq Qazaqstanmen birge, jer jánnaty Jetisý jeriniń de ósip-órkendep kele jat­qan­dyǵyna jan-jaqty toqtaldy. Aq tilekti jalǵaǵan Tal­dy­qorǵan qalalyq ardagerler keńesiniń tóraǵasy Murat Halyq pen Taldyqorǵan medısınalyq kolledjiniń stýdenti, Táýelsizdigimizdiń qurdasy Svetlana Babkınanyњ sózderi de shattyqty shalqyta tústi. Qystyń shyńyltyr aıazy «Nurlanǵan Qazaqstannyń Táýelsizdigi» atty arnaıy daıyndalǵan konserttik baǵ­dar­lamany tamashalaýǵa bóget bola qoıǵan joq. Máre-sáre jurt myń buralǵan bıshiler men ardager ájelerdiń óner­lerine dýyldata qol soqty. Kóńildi dýman keshke qaraı da jalǵasyp, ortalyq alańǵa jınalǵan jastar «Keleshegi kemeldener baıtaq elim» taqyrybymen uıymdastyrylǵan bı keshin qyzdyrdy.

Dáýlet SEISENULY – Semeıden.

Ortalyq alańda tús aýa bastalǵan merekelik basty sha­ra­ǵa qala turǵyndary kóptep jınaldy. Osy oraıda orta­lyq alańnyń da merekeli jyly óńi kirip qalǵanyn aıta ketkenimiz jón. Alańǵa aıshyqty tas tutasymen qaıta tóselip, sýburqaq jańadan salyndy. Oǵan, kerisinshe, keshegi keńes zamanynan qalǵan burynǵy minber men «kún kósem» eskertkishiniń tuǵyry, Abaı teatryn kólegeılep turǵan basy artyq shyrshalar alynyp tastalǵan bolatyn. Al sonyń esebinen alań aýmaǵy birshama keńip qalǵan edi. Mereke kúni sol aýmaqty alańnyń bir shetinde áýeletip án shyrqalyp, kúmbirletip kúı tartylyp jatsa, ekinshi shetinde balalar oıyny men sporttyq saıystar qyzý tartys­pen ótti. Mundaǵy halyqtyq merekelik serýen merekelik otshashýmen qorytyndylandy. Qalalyq mádenıet saraı­ynda jasotandyqtardyń uıymdastyrýymen ótkizil­gen oı­yn-saýyqtan da kórermender jaqsy kóńilmen tarap jatty. Bul mádenıet saraıy da bıylǵy jyly kúrdeli jóndeýden ótkizilgen edi. Qaısybir mekemelerde merekelik sharalar naqtyly óz kúninde ótip jatty. Aıtalyq, pedagogıkalyq ınstıtýtta úlken jıyn uıymdastyrylyp, onda mereke qurmetine oraı úzdikter marapattaldy. Al jastar saraıynda jastar arasynda karateden respýblıkalyq saıys ótkizildi. Oǵan da jankúıerler kóptep jınaldy. Bir sózben aıtqanda, semeılikter ulyq merekeni kóterińki kóńil-kúımen ótkizdi.

Ońdasyn ELÝBAI – О́skemennen.

Araılap atqan appaq tańdy búgin óskemendikter jaqsylyqqa jorydy. О́ıtkeni, qar molshylyqtyń kepili, astyq mol shyǵyp, halyqty rızashylyqqa bóleıdi. Onyń ústine búgin erekshe kún. Ata-babalarymyz ǵasyrlar boıy ańsaǵan Táýelsizdikke 20 jyl tolyp otyr. Aıtýly merekeni Kendi Altaı turǵyndary tamasha tartýlarmen qarsy aldy. Bıyldyń ózinde otyzdan astam ınvestısııalyq jobalar júzege asty. Sońǵy bir jylda ǵana shyraıly Shyǵysta jańadan úsh aýyl boı kóterdi. Onǵa tarta mektep, balabaqsha, áleýmettik ǵımarattar el ıgiligine berildi. 16 jeltoqsanda О́skemen men aýdan, qalalarda saltanatty jıyn­­dar ótip, ortalyq alańdarda bı bılenip, áýender shalqydy. О́ske­men­niń tórindegi Respýblıka alańy merekege saı bezendirilgen. Kó­ńil­di áýen shalqyp tur. Túrli mádenı ortalyqtardyń ókilderi bı bı­lep, Qazaqstannyń 20 jylda qol jetken tabystary jaıly fılm kórsetilip, qolóner sheberleriniń týyndylary kópshilik nazaryna usynylýda. Dál sol kúni «Nur Otan» halyqtyq-demokratııalyq partııasy­nyń shtaby ornalasqan mekemede el Táýelsizdiginiń 20 jyldyǵyna baılanysty mádenı shara bolyp ótti. Basqa partııalardyń ókilderi de óz jumystaryn nasıhattap jatty. Jibek mata kombınaty qala­shyǵyndaǵy «Ana men bala» ortalyǵynda sol kúni bosanǵan birneshe analarǵa jańa sertıfıkattar tapsyrylyp, birqatar jeńildik­ter­diń bolatyny aıtyldy. Budan eki kún buryn «Ana men bala» ortaly­ǵynyń bas dárigeri, Shyǵys Qazaqstan oblysynyń qurmetti azamaty, jaqynda ǵana «Qurmet» ordenin Elbasy N.Nazarbaevtyń qolynan alý baqytyna ıe bolǵan, óńirge esimi jaqsy tanys Raıa Rahımova Táýelsizdiktiń 20 jyldyǵy toılanǵan qasıetti kúni sábılerdi dúnıe­ge ákelgen birneshe anany quttyqtap, estelik syılyqtar tabys etti. О́zender órnektegen О́skemendegi mádenı sharalardyń barlyǵy qala turǵyndarynyń kóńilinen shyqty. Keshkilik Respýblıka alańynda jastarǵa arnalǵan bı keshi uıymdastyrylyp, merekelik otshashý qalany araılandyryp jiberdi.

Erjan BAITILES – Qyzylordadan.

Búginde búkil Qazaqstan Táýelsizdiktiń tynysymen tynystap tur. Baıtaqtyń qaı qıyryna kóz salsańyz da dúbirli toıdyń, mereıli merekeniń, meımanasy asqan halyqtyń kelbetin kóresiz. Mundaı mártebeli merekeden Syr jurtshylyǵy da qalys qalyp jatqan joq. Jıyrma jyldyq belesti «Juldyzdy jıyrma kúnniń» sheńberinde atap jatty. Oblys sheńberinde Táýelsizdikti ulyqtaı­tyn, Azattyq­ty aıshyqtaıtyn túrli sharalar boldy. Burnaǵy kúni sonyń qory­tyn­dy saltanaty ótti. Ol «Eldigimniń tuǵyry – Táý­el­sizdik» dep atalatyn saltanatty jıyn bolatyn. Aldymen minberge oblys basshysy Bolatbek Qýandyqov kóteril­di. Qarǵa tamyrly qazaqtyń qat-qabat tarıhynan bastaý alatyn baıandama bir demmen Táýelsizdiktiń jıyrma jyldyǵyna deıin jetti. Ákim qazaqtyń basynan ótken talaıly jolyn sonaý saq-ǵun zamandarynan tartyp, eldigimiz synǵa túsken, memleketimizge qaýip tóngen, túrli zobalańdy zamandy ótkergen kúnderdi kókteı sholdy. Alash arystary atylǵan, jappaı asharshylyqqa tap bolǵan ýaqytty da nazardan tys qaldyrmady. Qysqasy, bul tarıhpen astasqan baıandama boldy. Táýelsizdiktiń alǵashqy jyldary da sóz boldy. Qysyltaıań kezde Elbasynyń el tizginin qolyna alyp, memleketti quryp, aıaǵynan tik turǵyzyp, damýshy elderdiń qataryna qosqany aıtyldy. Jalpy, Táýelsizdik pen Elbasy egiz uǵym ǵoı. О́ıtkeni, Elbasy Nursultan Nazarbaev qazaqty buryn-sońdy bolmaǵan baqytqa keneltip otyrǵany aqıqat. Osy kúni eńbegimen elengen, memleket qalyptastyrý isine óz deńgeılerinde qolǵabys etken 54 adamǵa túrli dárejedegi marapattar tabys etildi. Táýelsiz eldiń «Parasat», «Qurmet» sekildi ordenderin kókirekterine taqqan azamattar eńbekteriniń baǵalanǵanyn, bul syılyqtyń aldaǵy jumystaryna serpin beretinin aıtyp jatty. Olardyń qatarynda oblys ákiminiń orynbasarlary, aýdan ákimderi, basqarma bastyqtary, aqyn-jazýshylar men qoǵamdyq uıym músheleri, kásipkerler boldy. Sondaı-aq jeti birdeı eńbek ardageri «Qyzylorda oblysynyń qurmetti azamaty» ataǵyn aldy. – Bıyl bizdiń oblysta 54 adam túrli dárejedegi nagradamen marapattalyp otyr. Bul byltyrmen salystyrǵanda eki jarym esege artyq. Osynyń ózinen Elbasynyń Qyzylorda oblysyna degen erekshe kóńilin bilýge bolady, – dedi Bolatbek Baıanuly óz sózinde. Merekelik is-sharanyń sońy jergilikti ónerpazdardyń konserttik baǵdarlamasyna ulasyp, sán-saltanatymen jalǵasyn tapty.

Kósemáli SÁTTIBAIULY – Tarazdan.

Jambyldyqtar el Táýelsizdiginiń 20 jyldyǵyn qaıta jańǵyrtýdan ótken «Dostyq» alańynda atap ótti. Kópten kútken jóndeý jumystarynan keıin alańdaǵy tarıhı ǵımarattardyń ajary ashylyp, keskin-kelbetiniń kórki alys-jaqynnan kelgen qonaqtardyń kóńilinen shyqqandaı eńselenip qalǵan. 16 jeltoqsan – Táýelsizdik kúni degende, búkil qazaqstandyq­tar­dyń, onyń ishinde, ásirese, jambyldyqtardyń esine sonaý boda­n­dyq­tan bostandyqqa umtylǵan jastar dúmpýi kezinde tergeý men túrme azabyn tartqan jáne sol «er etigimen sý keshken» almaǵaıyp ýaqytta qaıtpas qaısarlyǵymen táýelsizdiktiń qymbattyǵy týraly búgingi urpaqqa óshpes úlgi qaldyrǵan «Halyq Qaharmany» Qaırat Rysqulbekov oralady. Álbette, Qaırat armandaǵan bostandyq atty uǵymnyń bastaýynda turǵan Turar Rysqulov, Baýyrjan Momysh­uly­nyń egemen el, erkin halyq jaıly ósıetteri de este. Sondyqtan bolar, Jambyl oblysyndaǵy mereke marshy osy aty atalǵan erlerdiń Taraz qalasynyń tórine ornatylǵan eskertkishterine ta­ǵ­zym etýden bastaldy. Alań tórinde ótken teatrlanǵan kóriniste el Táýelsizdiginiń 20 jylynda qazaq halqynyń qol jetken barsha jeńisteri men tabys­tary pash etildi. Qalany qalyń qar qymtap, shyńyltyr aıaz betti qaryǵanyna qaramastan án shyrqap, bı bılegen Taraz talanttary jınalǵandardyń merekelik kóńil-kúıin bir ósirip tastady. Halyqta «toıdan-tobyqtaı» degen de bar. Mereıli kún qur­metine oraı uıymdastyrylǵan jármeńkege azyq-túlikterdiń alýan túrlerin ala kelgen aýyl sharýashylyǵy eńbekkerleri de toıdyń sáni men merekeniń máni – egemen el halqynyń baı, qýatty ekenin de pash etkendeı saýda-sattyqtaryn qyzdyryp jatty.

Temir QUSAIYN – Oraldan.

Aqjaıyq óńirinde Táýelsizdiktiń 20 jyldyǵyna oraı merekelik sharalardyń keń aýqymdy baǵdarlamasy jasaldy. Bul is-sharalar men taqyryptyq konferensııalar óziniń jan-jaqtylyǵymen, mazmunynyń tereńdigimen jáne táýelsizdik rýhyn ańǵarta alatyn baǵyt-baǵdarymen erekshelendi. Olar «Táýelsiz el – Qazaqstan, «Táýelsizdik túndigi – Astana» jáne «Jeltoqsan jańǵyryǵy» degen taqyryptar boıynsha júrekterge jol tapty. Sonymen birge, Oral qalasynda egemendik pen eldik týyn asqaqtatqan aımaqtyq patrıottyq ánder konkýrsy márege jetti. О́ńirde táýelsizdiktiń qaz basyp qalyptasýyna, odan ári nyǵa­ıýy­na úles qosqan eńbekkerlerdiń úlken tobyna Elbasy Jar­lyǵymen belgilengen «Qazaqstan Táýelsizdigine – 20 jyl» merekelik medali saltanatty jaǵdaıda tapsyryldy. Batys Qazaqstan oblystyq qazaq drama teatrynda Táýel­sizdiktiń 20 jyldyǵyna arnalǵan saltanatty jıynda Batys Qazaqstan oblysynyń ákimi Baqtyqoja Izmuham­be­tov jerdiń shetinde, jeldiń ótinde ornalasqan respýblıkanyń ba­tys­taǵy qaqpasy turǵyndarynyń eldiń eseıýi men táýelsizdiktiń tu­ǵyrly bolýyna qosqan úlesterin atap ótip, birqatar batysqazaq­tan­dyqtarǵa Elbasy Jarlyǵyna sáıkes merekelik marapattardy tabys etti. Keshegi kúni Oral óńirinde Táýelsizdik merekesi qurme­ti­ne oblys ortalyǵynda kondıter ónimderin shyǵaratyn ká­sip­orynnyń tusaýy kesildi. Shalǵaıdaǵy Jánibek aýdany­n­da jańa turǵyn úıler paıdalanýǵa berildi. Tarıhy tereń, shejiresi mol Bókeıordasy aýdanynda óńir ensıklopedııa­sy­nyń tusaýkeser rásimi ótkizildi. Aqjaıyqta Táýelsizdikke arnalǵan baǵdarlamalar sh­o­ǵy­ry keshe túnde Abaı alańynda oblys ortalyǵyn nur men sáýlege oraǵan ot shashýmen qorytyndylandy.

Joldasbek ShО́PEǴUL – Atyraýdan.

Atyraý jurtshylyǵy da el Táýelsizdiginiń 20 jyldyq merekesine oraılastyrylǵan san-alýan sharalarǵa jyl basynan beri kýá bolyp keledi. Keshe Nurmuhan Jantórın atyndaǵy oblystyq fılarmonııanyń uıymdastyrýymen «Jyrym meniń – Otanym!» atty patrıottyq ánder festıvali qorytyndylandy. Bul festıvalda Inder, Qur­man­ǵazy, Qyzylqoǵa, Maqat, Isataı aýdandary men Atyraý qalasynan qatysqan jas ánshiler elge tanymal kompozıtor­­lardyń ánsúıer qaýymǵa keńinen tanylyp, júrek qylyn terbegen 25 patrıottyq ánin oryndady. «El ishi – óner kenishi» degendeı, qazaq kompozıtorlarynyń týǵan jer, atameken, Otan taqy­rybyna jazylǵan patrıottyq ánderin naqyshyna keltire oryndaıtyn ánshilerdiń ósip kele jatqany súısintti. Máse­len, Altynaı Marasheva men Venera Mashqalıeva Keńes Dúı­sekeevtiń «Dombyra týra­ly ballada», «Sálem saǵan, týǵan el» ánderin oryndady. Al jas ánshi Qýandyq Nuǵ­ma­rovtyń oryndaýyndaǵy «Táýelsiz Qazaqstan» ánin kezinde kompozıtor Áset Beıseýov jazǵan. Biraq bul ándi tek Aty­raýda ǵana emes, respýblıkalyq sahnalarǵa jıi shyǵatyn án­shi­lerdiń arasynan kóp eshkim repertýaryna engizýge tal­pynbaıdy. Sol sebepten jas ánshiniń bul ándi jurtshylyqqa tanytsam degen talaby kópshilikti qýantyp tastady. Isataı aýdanynyń ókili Murat Átenov kompozıtor Erjan Serikbaev jazǵan «Jasa, Qazaqstan» ánimen sahna sánin keltirse, maqattyq Danııar Erımovtiń oryndaýyndaǵy Medet Arynbaevtyń «Týǵan jer» áni de ónersúıer qaýymnyń júregine jol taýyp jatty. Al ınderlik Tımýr Sansyzbaıulynyń oryndaýyndaǵy Elbasy Nursultan Nazarbaevtyń sózine jazylǵan Bekbolat Tileýhannyń «Elim meniń» áni jurtshylyqtyń ystyq yqylasyna bólendi. Oblystyq patrıottyq ánder festıvaline qatysýshyla­r­dyń barlyǵy arnaıy dıplomdarmen marapattalyp, túrli syı-sııapat­tarǵa ıe boldy.

Satybaldy SÁÝIRBAI – Aqtóbeden.

Araıly Aqtóbede elimizdiń barlyq óńirlerindegideı Táýel­siz­dik­tiń 20 jyldyq ulyq merekesi aptanyń basynda-aq bastalyp ket­ken-di. Apta boıy ótkizilgen merekelik sharalar keshe naǵyz shyrqaý bıigine kóterildi dese de bolǵandaı. Aqtóbelikter osy tańda el Táýelsizdiginiń 20 jyldyǵynyń ádemi áserimen oıandy. Kúndizgi saǵat 10-nan bastap qalanyń alańdary men saıabaqtaryn án men kúı áldıledi. Mundaı qulaq quryshyn qandyrar konserttik baǵdarla­ma­lar Ǵazıza Jubanova atyndaǵy oblystyq fılarmonııa, Qazanǵap atyndaǵy óner mektebi, Stýdentter saraıy, «Aq jelken» aýla klýby, «Metallýrg», «Hımık» mádenıet úıleri sahnalarynda, joǵary oqý oryndarynda jalǵasyn tapty. Olarda aqtóbelik óner sheberleri men kórkemónerpazdar óner kórsetti, týǵan jer, Otan, dostyq ,birlik týraly ánder áýeledi, qóńil tolqytatyn kúıler kúmbirledi, ádemi qımyldy bıler bılendi. Qalanyń qaı buryshyna barsań da ásem áýen kóńil tolqytty. Oblystyq óner murajaıynda uıymdastyrylǵan «Syr­­ly boıaýdan – Táýelsizdik tańy» atty kórmeden kelýshiler egemen eli­mizdiń osy kezeńde júrip ótken jolyn aıqyn ańǵardy. Mun­da táýelsizdik taqyrybyna salynǵan aqtóbe­lik qylqalam sheberleriniń sýretteri qoıyldy. Sondaı-aq, oblystyq tarı­hı-ólketaný murajaıynda ótkizilgen «Táýel­sizdik shejiresi» atty kórmeni tamashalaýshylar da kóp boldy. Kórmede qoı­ylǵan 20 planshette táýelsizdiktiń 20 jylynyń jylnamasy baıandaldy. «MegaAqtóbe» saýda ortalyǵynda quzǵa órmeleýden qala birinshiligi ótkizilip, balalar mánerlep syrǵanaýdan óner kórsetti. Shaǵyn fýtboldan uıymdastyrylǵan qala birinshiligi men toǵyzqumalaqtan, doıbydan ótkizilgen ja­­rys­­tar da tartysty boldy. Syrtta aq qar, kók muz bol­ǵa­nymen, bul jarystarǵa jankúıerler kóp jınaldy. «Ákem, anam jáne men» konkýrsy qatysýshylardy da, tamasha­laýshy­­lardy da kóp jınady. Oblystyq planetarııdegi «Ǵarysh eskertkishteri» atty tanymdyq sabaq ta stýdent jastar men mektep oqýshy­la­ry­nyń kóńilinen shyqty. Tahaýı Ahtanov atyndaǵy ob­lys­tyq drama teatrynda qoıylǵan «Jeltoqsan túni yz­ǵar­ly» spektakli kórermenderdiń kóz aldyna Jeltoq­san kóterilisin elestetti, táýelsizdiktiń ońaı kelmegenin ja­dymyzda jańǵyrtty. Kúni boıy uıymdastyrylǵan osy jáne basqa merekelik mádenı-sporttyq jáne qaıyrymdylyq sharalary «Qonys» sport saraıynyń mańynda aspanǵa atqylaǵan san boıaýly otshashýmen aıaqtaldy.

Jolaman BOShALAQ – Aqtaýdan.

Munaıly Mańǵystaý óńirindegi Qazaqstan Respýblıka­sy Táýelsizdiginiń 20 jyldyǵyn merekeleý «Táýelsizdiktiń jıyrma shyńy» 20 juldyzdy kúnderdi ótkizýdiń oblystyq josparyna sáıkes odan ári jalǵasty. Ásem Aqtaýdaǵy merekelik sharalarda eldiń eleýli tulǵalarynyń eskertkishterine gúl qoıylyp, az qamatamasyz etilgen otbasylary men balalar mekemelerine qaıyrymdylyq sharalary kórsetil­di. Jastarmen, mektep oqýshylarymen kezdesýlerde el ege­mendiginiń qadir-qasıeti ony tulǵalandyra túsý úshin halyqtar arasyndaǵy dostyq pen birliktiń, tatýlyqtyń bereri mol ekendigi keńinen áńgime boldy. Mereke kúni tańerteńgi 11-de Astana alańyna qala tur­ǵyndary kóp jınaldy. Merekelik baǵdarlama «Táýelsiz­dik tuǵyrymen kórikti» atty balalardyń konsertimen bastalyp jasóspirimderdiń asfaltqa sýret salý baıqaýymen jal­ǵasty. Tús qaıta «Delfın» sporttyq kesheninde jasós­pirimder arasynda sýda júzýshilerdiń qalalyq týrnıriniń jalaýy kóterildi. «Astana» alańyndaǵy serýendeýshiler qatary tolyǵa túsip, merekelik gala-konsertte oblystyń tańdaýly óner ujymdary óner kórsetti. Keshke deıin Aqtaý aspanynda án men kúı qalyqtap, ol otshashýǵa ulasty. El Táýelsizdigine arnalǵan merekelik sharalar munaıly Mańǵystaýdyń barlyq aýdan, qalalary men eldi mekenderinde joǵary deńgeıde ótip, táýelsizdik týraly ánder aıtylyp, óleń, jyrlar oqyldy.