«Shyǵys» óńirlik qolbasshylyǵynda Qazaqstan men Reseı eliniń Áskerı oqý oryndarynyń ofıser-túlekterimen oqý-ádistemelik jıyn ótti. Ulttyq ulannyń Áskerı ınstıtýtyn oqyp bitirgen jas leıtenanttar jedel shaqyrylymdaǵy sarbazdardy jáne óz isiniń kásibı mamany bolǵan kelisim-shart negizindegi áskerı qyzmetkerlerdiń jeke quramyn da basqaratyn bolmaq.
- Jıyn barysynda leıtenanttar óz kásibı daıyndyqtaryn joǵarylatyp, aldaǵy áskerı qyzmetine kirispes buryn bilim men biliktilikterin synap, sheberlikterin shyńdaıtyn bolady, - dedi «Shyǵys» óńirlik qolbasshylyǵynyń baspasóz qyzmetiniń basshysy Baǵdat Amangeldi, - 3 kúnge sozylǵan oqý-ádistemelik jıyn barysynda leıtenanttar jeke qurammen saptyq jáne atys daıyndyqtaryn júrgizýdi taǵy bir pysyqtap, tájirıbeli ofıserlerden tálim aldy. Sonymen qatar áskerı jarǵylar boıynsha bilimderi synalyp, dene daıyndyqtaryn anyqtaý maqsatynda sporttyq normatıvter tapsyrdy.
Ulttyq ulannyń «Shyǵys» óńirlik qolbasshylyǵynyń qolbasshysy general-maıor Talapker Amrıev jas leıtenanttarmen kezdesip, óziniń áskerı ómirindegi tájirıbelerimen de bólisti.
«Shyǵys» óńirlik qolbasshylyǵynyń jaýyngerlik daıyndyq basqarmasynyń basshysy polkovnık Sergeı Sergeevtiń aıtýynsha, olardyń basty maqsaty - jas leıtenanttardy «Shyǵys» óńirlik qolbasshylyqtaryna qarasty Semeı, О́skemen sııaqty áskerı bólimderge taratyp, óz mamandyqtary boıynsha tıisti laýazymdarǵa taǵaıyndaý.
Qazirgi Túrkistan oblysy, Saryaǵash aýdany, Temirshi aýylynda dúnıege kelgen leıtenant Serik Oralbaı alǵashqy áskerı qyzmetin «Shyǵys» óńirlik qolbasshylyǵyna qarasty Pavlodardaǵy 5512 áskerı bóliminde bastamaqshy. Ol Ulttyq ulannyń Áskerı Instıtýtyn tárbıeshi mamandyǵy boıynsha támámdaǵan.
- Aldaǵy ýaqytta óz mamandyǵym boıynsha sarbazdardy tárbıeleıtin bolamyn jáne biz Otan qorǵaýshylarymyzdyń rýhyn moraldyq psıhologııalyq jaı-kúıin retke keltiretin bolamyz. Bul mamandyq jeke men úshin eń basty jaýapkershilik bolyp sanalady, - deıdi Serik Ábdirashıduly.
Raýshan NUǴMANBEKOVA