2018-2022 jyldary oblysta agrokartany júzege asyrýǵa arnalǵan is-sharalar josparynynyń sheńberinde aǵymdaǵy jyly 7 mlrd. teńgeden astam somaǵa 10 ınvestısııalyq joba iske qosylady. Bul týraly oblystyq máslıhat sessııasynyń otyrysynda Qyzylorda oblysynyń ákimi Qyrymbek Kósherbaev málimdedi.
Qazaqstan Respýblıkasynyń Prezıdenti N.Á.Nazarbaevtyń bıylǵy Joldaýynda agrarlyq salanyń aldyna eńbek ónimdiligin túbegeıli arttyrý jáne óndirilgen ónim eksportyn ulǵaıtý - 2 strategııalyq mindetti qoıǵanyn aımaq basshysy eske saldy. Bul, óz kezeginde, agrarlyq salany jańa deńgeıge kóterýge, aýyldyq jerlerdi damytýǵa serpin berip, aýyl turǵyndarynyń jumyspen qamtylýyn jáne laıyqty ómir súrý jaǵdaılaryn qamtamasyz etýge múmkindik beredi.
«Osy maqsattarǵa jetý úshin biz Agrokartany iske asyrýda 2018-2022 jyldarǵa arnalǵan is-sharalar josparyn ázirledik jáne maquldadyq. Jalpy, osy is-shara aıasynda aǵymdaǵy jyly 7 mlrd teńgeden astam somaǵa 10 ınvestısııalyq joba iske qosylady », - dedi oblys ákimi.
Atap óteıik, sońǵy bes jylda JО́О́ qurylymynda aýyl sharýashylyǵynyń úlesi 2,5% -dan 3,7% -ǵa deıin ósti, bul óńir ekonomıkasynyń qurylymyndaǵy sapaly ózgeristerdi kórsetedi. Osy jyldarda aýyl sharýashylyǵynyń negizgi kapıtalyna ınvestısııalar 23 esege, tamaq ónimderinde 5 esege ósti. Tek bıylǵy jyldyń ózinde aýyl sharýashylyǵynyń negizgi kapıtalyna salynǵan ınvestısııa kólemi 85%-ǵa, aýyl sharýashylyǵy ónimderin óndirý kólemi 2,7%-ǵa, azyq-túlik ónimderin óndirý kólemi 15%-ǵa artsa, aýyl sharýashylyǵy ónimderi eksporty kólemi ónimniń zattaı kórinisinde 66%-ǵa, al, dollar ekvıvalentimen 7,3%-ǵa ósti.