Qyzylorda oblysynda jyl basynan beri 228 myń sharshy metr turǵyn úı paıdalanýǵa berildi, bul týraly aımaq basshysy Qyrymbek Kósherbaev oblystyq máslıhat sessııasynyń kezekti otyrysynda málimdedi.
Búginde Qyzylorda oblysynyń aýmaǵynda 1726 páterlik 42 kópqabatty turǵyn úıdiń qurylysy júrgizilip jatyr, onyń 36-sy aǵymdaǵy jyly paıdalanýǵa beriledi. Onyń ishinde Qyzylorda qalasyndaǵy Syrdarııa ózeniniń sol jaǵalaýynda tolyq bir shaǵyn aýdan – 16 kóppáterli turǵyn úıdi berý josparlanyp otyr.
«Biz bıyl 2017 jylǵa qaraǵanda kem túspeıtin 667 myń sharshy metr turǵyn úıdi qoldanysqa engizemiz dep eseptep otyrmyz», - dedi oblys ákimi.
Sonymen qatar, bıylǵy mindet - oblystaǵy halyqtyń áleýmettik osal toptaryn meılinshe qoljetimdi turǵyn úımen qamtamasyz etý. Osy maqsatta 2017 jyly «Orda» turǵyn úı qurylysynyń Jol kartasy ázirlendi. Birinshi bolyp baǵdarlamanyń ıgiligin apatty jaǵdaıdaǵy turǵyn úıler men jataqhana turǵyndary kóretin bolady.