Túrkistan oblysy Túlkibas pen Saıram aýdandarynyń 72 eldi mekeninde «Shalqar» radıosynyń taratylymyn keńeıtý jumystary tolyq aıaqtaldy. Bul týraly Aqparat jáne kommýnıkasııalar mınıstri Dáýren Abaev Facebook paraqshasynda habarlady.
«Bizdiń mınıstrlik qurylǵan ýaqyttan beri el turǵyndary men depýtattar elimizdiń shekaralyq aımaqtaryndaǵy otandyq radıo habarlaryn taratý máselesin sheshýimizdi surap kóptegen ótinishter joldady. Bul máseleni sheshýge biraz ýaqyt kerek edi. Bıylǵy jyldyń maýsym aıynda Túrkistan oblysy Túlkibas pen Saıram aýdandarynyń 72 eldi mekeninde, sondaı-aq Arys qalasynda «Shalqar» radıosynyń taratylymyn keńeıtý jumystary tolyq aıaqtaldy. Bul alǵashqy qadamdardyń biri ǵana. Aldaǵy ýaqytta shekaralyq aımaqtarda otandyq radıo habar taratý jumystaryn jalǵastyra beremiz», dep jazdy Dáýren Abaev.