Senimdi seriktestik

Naryq zańy qatal. О́ıtkeni, qaı salada bolmasyn daıyn ónim tutynýshy suranysyn qa­naǵattandyrýmen qatar, báse­ke­ge qabiletti bolýy shart. Osy talaptan kórinip, elimizdiń ener­getıka rynogynda óz or­nyn tap­qan Esik qalasyndaǵy «Elek­trokabel» zaýyty 10 jyldan beri osy alǵysharttardy bas­shylyqqa alýǵa umtylyp keledi. Sondyqtan da ónimderi úl­ken suranysqa ıe. О́ıtkeni, eskirgen jelilerdi aýystyrý men jańasyn salý qarqyn alǵan. Ká­siporynnyń elektr-tehnı­ka­lyq ónim túrlerin shyǵaratyn senimdi seriktestikke aınalýy osydan. Otandyq ónim óndirýshi retinde alǵashqylardyń biri bo­lyp jumysyn bastaǵan zaýyt fransýz tehnologııasymen kabelder men túrli dıametrli symdar shyǵarady. Alıýmınıı sozbasymen syrty qaptalǵan kabeldermen qatar, jer asty symdary jáne taǵy  basqa elektr quraldary osynda daıyndalady. Zaýyttyń qýaty bir aıda 100 myń metr kabel shyǵarýǵa arnalǵan. – Biz, eń aldymen, sapany basty nazarǵa alamyz. Osynda shyǵarylatyn kabelder ımporttan esh aıyrmasy joq. Tutyný merzimi 50 jyldan asa ýaqytqa jetedi. Sondaı-aq, bul ónimderdi qaıta óńdeýge bolmaıdy. Iаǵnı, elektr symdaryn urlap, jeńil tabys tabatyndardyń joly bolmaıdy degen sóz, – deıdi seh bastyǵy Zýlfıkar Chıkaev. Zaýyt qondyrǵylary Túr­kııa­dan ákelingen. Munda jumys isteý úshin de arnaıy daıyndyqtan ótip, mashınalardyń tilin bilý ma­ńyz­dy. Kásiporyn basshylary men bir­qatar mamandar Túrkııaǵa ba­ryp, arnaıy daıyndyqtan ótip keldi. Osynda jumys isteýge nıetti jastardy qazir ózderi úı­retýde. Shıkizattyń basym bóligi Reseı men Malaızııa elinen tasy­maldanady. Keleshekte shetelden emes, alıýmınıı óndirýdi qolǵa  alǵan Pavlodar oblysynan ákelý josparlanǵan. Bul aldymen shy­ǵyn­dy azaıtsa, ekinshiden, ýa­qyt­ty únemdeıdi. Elimizde mańyz­dy strategııalyq jobalar jú­zege asyp jatqan shaqta otan­dyq ónim óndirýshilerge degen suranys ta arta túsýde. Osy baǵytta kásiporyn ujymy ón­diristi keńeıtip, ónim kólemin ulǵaıtýdy maqsat etken. Qazir zaýyt janynan qo­symsha ǵımarat salynýda. Qon­dyrǵylarǵa tapsyrys berilgen. Endi bir-eki aıdan soń bul jerde de jumys qyzatyn bo­la­dy. Taǵy da jańa jumys orny paıda bolady. Demek, ónim kólemi de ulǵaıady. Máselen, aldaǵy ýaqytta 300 metr kabel óndirý josparlanǵan. О́ńir energetıkasynyń da­mý­y­na úles qosqany úshin zaýyt ujy­my túrli dıplomdar men ser­tıfıkattarǵa ıe. Ha­lyq­aralyq deńgeıde ótken kór­melerdiń je­ńimpazy atanyp, jumys sapasyn jaqsartýy osydan bolar. Kúmisjan BAIJAN, Almaty oblysy, Eńbekshiqazaq aýdany.