Birlesken jattyǵýdyń bereri kóp

Oqý-jattyǵý barysynda Qazaqstan men О́zbekstan arnaıy operasııalar kúshteriniń bólimsheleri túngi ýaqyttaǵy barlaý, jaýyngerlik is-qımyldardy júrgizý boıynsha tapsyrmalardy oryndady.

Is-sharanyń shartty jospary boıynsha ushqyshsyz ushý apparattary 2500 metr bıiktikten áýe barlaýyn júrgizýi kezinde Sý-30 SM ushaǵy joıǵan zańsyz qarýly qurylymnyń jan saqtap úlgergen toby anyqtaldy. Bul dabyldan soń jedel túrde qarsylastyń qozǵalý baǵyty boıynsha 2000 metr bıiktikten desant túsirilip, maıdandyq avıa­sııanyń atqylaýyn baǵyt­tap otyrdy. Atalǵan zańsyz qury­lym eldimeken aýmaǵynda oqshaýlanyp, shabýyldaý jasaq­tarymen bir ýaqytta ushqyshsyz ushý apparattary jáne jerústi elektrondyq-optıkalyq barlaý quraldary qoldanyldy.

 – Qazaqstan men О́zbekstan Qarýly Kúshteri arnaıy operasııalar kúshteriniń bólimshelerine qoıylǵan tapsyrmalar sátti oryndaldy, birlesken oqý-jat­ty­ǵýdyń birinshi kezeńiniń maqsat­taryna qol jetkizildi. Oqý-jat­tyǵýdyń ekinshi kezeńiniń ótkizilýi О́zbekstan Respýb­lı­kasynyń «Forısh» oqý-jat­tyǵý ortalyǵynyń bazasyn­da josparlanyp otyr. Sapar barysynda biz Elbasy – Joǵar­ǵy Bas Qolbasshy qoıǵan tap­syrmalar sheńberinde kóp­tegen máselelerdi sheshtik dep aıt­qym keledi. Biz jedel jaýyn­ger­lik daıarlyq jáne kadrlardy daıar­laý máselelerin sheshýde tolyq­qandy uǵyný men úılesim­dilikke qol jetkizdik, – dedi Qa­zaq­stannyń Qorǵanys mınıstri S.Jasuzaqov.

О́z kezeginde, О́zbekstan ás­ke­rı vedomstvosynyń basshysy, general-maıor A.Azızov birlesken jattyǵýlardyń, kezdesýlerdiń jıi ótkizilýi eki armııanyń ózara qarym-qatynastaryna joǵary serpilis beretinin atap ótti.

– Birlesken oqý-jattyǵýlar túngi jaǵdaılarda jaýyngerlik avıa­sııany anaǵurlym zamanaýı tehnıkany qoldanýda ar­naıy bólimshelerimizdiń tolyq úı­lesimdiligi men ózara túsinistigin kórsetti. Meniń oıymsha, oqý-jat­tyǵý sátti ótti dep baǵalaýǵa bo­lady, – dedi О́zbekstannyń qor­ǵanys mınıstri.

Serik ÁBDIBEK,

«Egemen Qazaqstan»