Keń dalada tulparlary jarysqan,
Qyrandary qanattaryn qaǵysqan,
Táńirideı kútetuǵyn qazaǵym,
«Táýelsizdik!»degen sózdi alystan...
Kóp shydaýmen taǵdyrynyń tezine,
Aınalǵanda qaraǵaıdyń bezine,
Táńirin de tárk eterdeı tutandy,
Jarqyldaєan jasyn tunyp kózine.
Jeltoqsan men Táýelsizdik – bir uǵym,
(Ker zamanda kesilgen qyz burymy),
Táýelsizdik-tábárigi ǵasyrdyń,
Mindet ony minájáttap turýyń!
Sondyqtan da, eı, qadirli azamat,
Qaıda salsa qaıyspaıtyn qazanat!
Azat kórkiń kúlli álemdi sharlaǵan,
Qazaq degen atyń seniń ǵajap-aq!
Qazaq bolǵan qaı zamannan mynaý el,
Qaısarlyqtyń qany sińgen quba bel,
Tize búgip Táńiriden surary:
Erkindikti endi máńgi qyla gór!
Qoıshyǵul JYLQYShIEV.
Atyraý.