Búgin Úkimet úıinde Premer-Mınıstr Baqytjan Saǵyntaev Qazaqstannyń Úshinshi jańǵyrýyn jobalyq basqarý aıasynda osyǵan deıin atqarylǵan jumystardyń jaı-kúıi jóninde keńes ótkizdi, dep habarlaıdy primeminister.kz.
Keńes barysynda Qaraǵandy jáne Qyzylorda oblystary ákimdikteriniń jobalyq basqarý baǵyttary turǵysynan bastamalar boıynsha is-sharalardy oryndaý jáne ındıkatorlarǵa qol jetkizý boıynsha 2018 jyldyń ekinshi jarty jyldyǵyna arnalǵan josparlar jáne alǵashqy alty aıdaǵy jobalar portfelderin iske asyrý jumystarynyń aldyn-ala qorytyndylary talqylandy.
Qaraǵandy oblysynyń ákimi E.Qoshanov pen Qyzylorda oblysynyń ákimi Q.Kósherbaev bilim berý, densaýlyq saqtaý salalaryn, týrızmdi, saýdany, AО́K, jappaı kásipkerlikti damytý, sondaı-aq bazalyq ındýstrııalandyrýdy júrgizý, ınvestısııalardy tartý jáne ónimdi jumyspen qamtamasyz etý máseleleri jóninde baıandady.
Ákimder ózderiniń sózderinde ekonomıkalyq ósim qarqynyn jedeldetý jáne ekonomıka qurylymyn sapaly ózgertýge baǵyttalǵan sharalarǵa basa nazar aýdardy.