Oblys ortalyǵyndaǵy merekege ERG kompanııasynyń Qostanaı oblysyna qarasty Arqalyq, Lısakovsk qalalaryndaǵy fılıaldarynyń jumysshy-qyzmetkerleri de qatysty. Metallýrgterdi kásibı merekemen oblys ákimi Bolat Baqaýov quttyqtady.
ERG kompanııasy óńir aldyndaǵy áleýmettik jaýapkershilik mindetterin laıyqty oryndap keledi. Kompanııa men oblystyq ákimdik arasynda jasalǵan memorandýmǵa sáıkes, jańa sport nysandary ashylyp, turǵyn úıler boı kóterýde. Áleýmettik máselelerdi sheshýde birlese eńbek etýde.
«Qazaqstan alıýmınııi» AQ prezıdenti Roman Romanovtyń aıtýynsha, «Qazaqstan alıýmınııi» AQ jáne «Qazaqstan elektrolız zaýyty» AQ kásiporyndary elimizdegi óndiristiń negizi. Jyl basynan beri 750 myń tonna glınozem, 2 mıllıon tonna boksıt, 1 mıllıon tonna áktas, 127 myń tonna alıýmınıı óndirgen.
Bul kúni «Qazaqstan alıýmınııi» AQ-nyń 50, al «Qazaqstan elektrolız zaýytynyń» AQ-nyń 14 jumysshy-qyzmetker, metallýrgteriniń sýretteri Qurmet taqtasyna ilindi. Kásiporyndardyń 500-den astam metallýrgy marapattalsa, kópshiligi «Eren eńbegi úshin», «Eńbek dańqy», «Kenshi dańqy» belgilerin ıelendi. Mysaly, Sergeı Chernyh «Úzdik brıgadır», Elýbaı Sákenov «Úzdik tálimgeri» atandy.
Metallýrgterdi otandyq estrada ánshisi Lýına, reseılik Dıma Bılan quttyqtady.
Farıda BYQAI
«Egemen Qazaqstan»
Pavlodar