Elimizde densaýlyqqa qatysty barlyq aqparat bir bazada jınaqtalyp, elektrondy nusqada saqtalmaq. Bul qaǵazbastylyqtan qutylýǵa septigin tıgizip, emdelýshi men emdeýshiniń ýaqytyn únemdeıdi. Bul týraly keshe Densaýlyq salasyndaǵy aqparattyq júıe Interoperabeldi platforma ulttyq jobasynyń tanystyrylymynda aıtyldy.
Sharaǵa Premer-Mınıstrdiń orynbasary Asqar Jumaǵalıev pen Densaýlyq saqtaý mınıstri Eljan Birtanov, vıse-mınıstr Oljas Ábishev jáne jobany júzege asyryp jatqan horvatııalyq kompanııa ókilderi qatysty. Bul – densaýlyq saqtaý salasyn sıfrlandyrý maqsatynda qolǵa alynǵan aýqymdy jobanyń biri. Basty maqsat – ambýlatorlyq em-sharalardyń qaǵaz kartochkasyn tolyq elektrondy nusqaǵa kóshirý. Munda barlyq statıstıkalyq málimetter avtomatty túrde júıelenedi. Dáriger aldyna barǵanda tek qana tólqujat kórsetý jetkilikti, deıdi mamandar.
О́z kezeginde Premer-Mınıstrdiń orynbasary A.Jumaǵalıev Densaýlyq saqtaý mınıstriniń jumysyna joǵary baǵa berdi. «Jergilikti deńgeıde kompıýterler satyp alynyp, aqparattyq júıeler damytylýda. Sondyqtan atalǵan júıelerdiń durys jumys isteýin qamtamasyz etý mańyzdy. Muny jyldyń aıaǵyna deıin aıaqtaý kerek. Júıeni iske qosqannan keıin dárigerler men pasıentterdi oqytý kerek. Sonymen qatar elektrondy pasportty tolyǵymyn toltyrý qajet», dedi A.Jumaǵalıev.
Dınara BITIK,
«Egemen Qazaqstan»