Semeı qalasynyń oblystyq tarıhı-ólketaný mýzeıinde «Rýhanı jańǵyrý» baǵdarlamasy aıasynda Astana qalasynyń 20 jyldyǵyna arnalǵan mýzeı qorynda saqtalǵan zergerlik áshekeı buıymdardan usynylǵan «Kúmis sıqyry» atty kórmesiniń ashylý saltanaty ótti.
Kórmeniń maqsaty – qazaq qolóneri tarıhynda ulttyq naqyshta jasalǵan zergerlik buıymdardyń mańyzdylyǵymen halyqty tanystyrý.
Kórmege mýzeı qorynan alynǵan 150-ge jýyq zergerlik áshekeı buıymdar, atap aıtqanda syrǵalar, bilezikter, júzikter, saqınalar, óńirjıek, boıtumar, sholpy, shekelik, túımeler, qapsyrma, áıel men erler belbeýleri jáne áshekeı toptamalarynyń túrleri, sáýkele, kımeshek, taqııa, kamzol, er-toqym, kádesyılar qoıyldy.
Onyń ishinde HIH ǵasyrǵa jatatyn kóne áshekeıler men jergilikti qolóner sheberleriniń qolynan jasalyp shyqqan áshekeı buıymdardyń toptamalary da usynyldy.
Kórmeniń ashylý saltanatyna mýzeı áriptesteri, zııaly qaýym ókilderi, qala turǵyndary jáne ólketanýshylar qatysty.
Raýshan NUǴMANBEKOVA
sýretti túsirgen avtor
SEMEI