Oblys óńirindegi sý aıdyndarynda sońǵy kúnderi úsh adam sýǵa ketti. Qaıǵyly jaǵdaıdyń oryn alý sebebi birden túsinikti bolǵan, olardyń barlyǵy da ruqsat etilmegen, qutqarý quraldarymen jabdyqtalmaǵan jerlerde shomylǵan. Ajal qushqandardyń bireýi jasóspirim, ekinshisi bıyl ǵana mektep bitirgen jigit, úshinshisi eresek adam. Bıyl jaz kesh shyqsa da, shilde aıy bastalǵaly sýda ajal qushqan jaǵdaılar jıilep ketti.
«Oblys óńirindegi sý aıdyndarynda 12 tótenshe jaǵdaı oryn aldy, sonyń saldarynan 12 adam sýǵa ketti. Onyń beseýi bala. Bul ótken jyldyń osy kezeńimen salystyrǵanda áldeqaıda kóp. О́tken jyly osy ýaqytta sý qurbany bolǵan 7 adamnyń úsheýi balalar edi», dedi oblystyq tótenshe jaǵdaılar departamenti bastyǵynyń mindetin atqarýshy Rýslan Orynbekov.
Sýdaǵy baqytsyz jaǵdaılar kóbine demalys kúnderi oryn alady eken. О́ıtkeni adamdar sýda demalý, shomylý erejelerin buzady. Aýdandar men qalalarda tótenshe jaǵdaılar departamentiniń mamandary sýǵa túsý erejelerin túsindirý jumystaryn úzbeı júrgizedi, biraq adamdardyń ony elemeýi qaıǵyly jaǵdaılarǵa soqtyrady.
Názıra Járimbet
«Egemen Qazaqstan»
Qostanaı