El Táýelsizdiginiń 20 jyldyǵy qarsańynda Almaty qalasynda kerneýi 110kV-tyq «Otyrar» jáne «Alataý» atty qosalqy eki elektr stansasy paıdalanýǵa berildi. Bul nysandardyń jalpy smetalyq quny 9,19 mıllıard teńgeni qurady. Bul qosalqy stansalar Almatydaǵy jańadan engizilgen metropolıtenniń «Alataý» jáne «Jibek joly» stansalaryn jáne Almaty qalasy ortalyq bóliginiń tutynýshylaryn elektr qýatymen jabdyqtaýǵa arnalǵan. Almaty qalasynyń ákimdiginiń qos stansany salýǵa jáne bolashaqta halyqqa qyzmet kórsetetin osyndaı kúrdeli jobalardy iske asyrýdaǵy qamqorlyǵy men kómegi mol boldy.
Úırenshikti qosalqy stansalarmen salystyrǵanda jańa qosalqy stansalar jabyq turpatty qosalqy stansa bolyp tabylatyndyqtan kóp oryn almaıdy jáne onyń ózi zamanaýı ǵımarat túrine jatady. Qosalqy stansa salý kezinde álemdegi jetekshi elektr-tehnıkalyq kompanııalardyń eń jańa zamanaýı jabdyqtary, materıaldary jáne tehnologııalary paıdalanyldy. Qosalqy stansalardyń energojúıege qosylýy úshin «PRYSMIAN» (Fınlıandııa) jáne «NEXANS» (Germanııa) fırmalarynda shyǵarylǵan 110kV-tyq kabelder paıdalanyldy.
Stansalardy salý kezinde, sondaı-aq ımportty almastyrý saıasaty aıasynda qazaqstandyq kompanııalardyń elektr-tehnıkalyq ónimderi de qoldanyldy. Máselen, 10kV-tyq jınaqtalǵan bólý qurylǵysy, Almatydaǵy «AEMZ» AQ-ta jáne О́skemendegi «KEMONT» AQ-ta óndirilgen jáne «Kentaý transformator zaýyty» AQ-ta óndirilgen transformatorlar jóninde atap aıtý qajet. Sonymen, Almaty aımaǵyn elektrmen senimdi jabdyqtaýdyń sapasyn arttyrýǵa baǵyttalǵan keń aýqymdy is-sharalar keshenin iske asyrý jalǵastyrylýda.
Baqyt BALǴARINA,
Almaty.