Qazaqstannyń keı jerlerinde atmosferalyq fronttardyń ótýine baılanysty 22 shilde kúni aýa raıy qubylmaly bolady, dep habarlaıdy «Qazgıdromet».
Atap aıtqanda respýblıkanyń ońtústiginde, ońtústik-shyǵysynda, ońtústik-batysynda jáne soltústiginde jaýyn-shashynsyz kún raıy boljanady. Keı jerlerde naızaǵaı oınap, jańbyr jaýady, jel kúsheıedi.
Ońtústikte jáne ońtústik-shyǵysta shańdy daýyl turady. Kúndiz soltústikte, ortalyqta, batys pen shyǵysta burshaq jaýýy yqtımal.
Soltústik Qazaqstan oblysynyń keı jerlerinde 15-20 m/s ekpinmen soqqan jeldiń jyldamdyǵy 25 m/s kúsheıedi.
Batys Qazaqstan, Aqmola, Pavlodar, Shyǵys Qazaqstan oblystarynyń keı jerlerinde naızaǵaı oınaıdy, 15-20 m/s jel soǵady, kúndiz burshaq bolýy yqtımal. Batys Qazaqstanda daýyl kútiledi.
Jambyl, kúndiz Qyzylorda oblystarynyń keı jerlerinde jel 15-20 m/s kúsheıip, shańdy daýyl turady.
Atyraý, Aqtóbe, Qostanaı, Qaraǵandy oblystarynda keı jerlerde naızaǵaı baıqalyp, jel 15-22 m/s kúsheıedi.
Mańǵystaý oblysynyń keı jerlerinde túnde jel 15-20 m/s bolady.
Sondaı-aq Almaty, Qyzylorda, Atyraý oblystarynda, Mańǵystaý, Jambyl, Batys Qazaqstan, Qaraǵandy oblystarynyń keı jerlerinde qatty ystyq saqtalady.
Túrkistan oblysynda qatty ystyq, shóldi aýdandarda óte qatty ystyq kútiledi.
Mańǵystaý, Qyzylorda, Túrkistan oblystarynda, Atyraý, Batys Qazaqstan, Aqtóbe, Qostanaı, Jambyl, Almaty oblystarynyń keı jerlerinde joǵary órt qaýpi saqtalady.