Bıyl oblystaǵy bilim granttarynyń sany eki esege deıin kóbeıip, olardyń 70 paıyzy aqparattyq tehnologııalar salasyndaǵy mamandyqtarǵa bólinetin bolady. Bul týraly Qyzylorda oblysynyń ákimi Qyrymbek Kósherbaev oblystyq máslıhat sessııasynyń otyrysynda aıtty.
Aımaqta 2013 jyldan beri jyl saıyn aýyldyq jerlerdegi kópbalaly jáne turmysy tómen otbasynan shyqqan daryndy túlekter úshin oblys ákiminiń 100 granty bólinetin. Búginde mundaı grantty ıelenýshilerdiń sany 700 -ge jetti.
Bıyldan bastap oblys ákiminiń granty 2 esege ósip, 205-ke jetip otyr.
2014 jyldan bastap Reseı Federasııasy Úkimetiniń esebinen aımaqtyń mektep bitirýshi túlekteri Máskeý men Sankt-Peterbýrgtiń úzdik tehnıkalyq joǵary oqý oryndaryna oqýǵa jiberilýde. Alǵashqy 75 túlektiń 62-si dıplomdaryn alyp, elge oralsa, 13 túlek magıstratýrada oqýlaryn jalǵastyrady. Olardy jumyspen qamtý máselesi qarastyrylýda.
- Oblystyń birqatar kásiporyndary túlekterdi jumysqa qabyldaýǵa daıyn. Mysaly, «QazAtomProm» ulttyq kompanııasy 11 jas mamandy, «Gejýba Shıeli Sement» seriktestigi 8 adamdy jumysqa qabyldaýdy josparlap otyrsa, «SKZ-U» kúkirt qyshqyl zaýyty, Qyzylordanyń kishitonajdy munaı óńdeý zaýyty, «Krıstall menedjment» jáne basqa da iri kásiporyndar túlekterdi jumysqa alýǵa nıetti. Birqatar túlekter memlekettik qyzmettiń kadrlyq rezervine alynatyn bolady, - dedi oblys ákimi.
Taǵy bir jaǵymdy jańalyq, keler jyldan bastap M.V. Lomonosov atyndaǵy Máskeý memlekettik ýnıversıtetiniń «Kıberqaýipsizdik» jáne «Prosesterdi matematıkalyq modeldeý» mamandyqtary boıynsha oblys jastaryna magıstratýrada oqý úshin 20 grant bólinedi.
Baqtııar TAIJAN,
«Egemen Qazaqstan»
QYZYLORDA OBLYSY