Qoǵamdyq damý mınıstri Darhan Káletaev issaparmen AQSh-qa baryp, Vashıngtonda jáne Nıý-Iorkte AQSh Kongresi múshelerimen, AQSh Memlekettik departamentiniń resmı ókilderimen, sondaı-aq, AQSh-tyń Halyqaralyq din bostandyǵy jónindegi komıssııasynyń jáne Eýropadaǵy qaýipsizdik jáne yntymaqtastyq jónindegi Helsınkı komıssııasynyń jetekshilerimen birqatar kezdesýler ótkizdi, dep habarlaıdy atalǵan mınıstrliktiń baspasóz qyzmeti.
Kezdesý barysynda Qazaqstandaǵy dinı ahýaldyń damýy jóninde jan-jaqty pikir almasý ótti. Nıý-Iorkte D.Káletaev BUU janyndaǵy Dinı úkimettik emes uıymdar komıtetiniń tóraǵasy S.Parameshanandamen jáne «Dinder beıbitshilik úshin» álemdik konferensııasynyń Bas hatshysy Ý.Vendlımen ekijaqty kezdesýler ótkizdi. BUU ókilderi D.Káletaevtyń Álemdik jáne dástúrli dinder Seziniń kezekti otyrysyna qatysý jónindegi shaqyrýdy qyzyǵýshylyqpen qabyldady.
Astana dinaralyq suhbatynyń ósip kele jatqan bedelin moıyndaı otyryp, olar Sezdiń jekelegen seksııalaryna moderator retinde qatysýǵa daıyn ekenindikterin bildirdi.
Aıta keteıik, Álemdik jáne dástúrli din lıderleriniń kezekti Sezi aǵymdaǵy jyly qazan aıynda Astanada ótedi.