Qazaqstan Respýblıkasy Prezıdentiniń Jarlyǵy №197

Mańǵystaý oblysynyń Jańaózen qalasynda  tótenshe jaǵdaı engizý týraly Mańǵystaý oblysynyń Jańaózen qalasy turǵyndarynyń qaýipsizdigin qamtamasyz etý maqsatynda Qazaqstan Respýblıkasy Kons­tı­tý­sııasynyń 44-babynyń 16) tarmaqshasyna, Qa­zaqstan Respýblıkasy «Tótenshe jaǵdaı tý­raly» Zańynyń 4, 5, 6-baptaryna sáıkes qaýly etemin: 1. Mańǵystaý oblysynyń Jańaózen qala­synda 2011 jylǵy 16 jeltoqsanda oryn alǵan jappaı tártipsizdikterge baılanysty, qoǵam­dyq qaýipsizdikti qamtamasyz etý, zańdylyq pen quqyqtyq tártipti qalpyna keltirý, aza­mattardyń quqyqtary men bostandyqtaryn qor­ǵaý maqsatynda, Mańǵystaý oblysy, Jańa­ózen qalasynyń sheginde 2011 jylǵy 17 jeltoqsandaǵy 18 saǵat 00 mınýt pen 2012 jylǵy 5 qańtardaǵy 7 saǵat 00 mınýt keze­ńinde tótenshe jaǵdaı engizilsin. 2. Mańǵystaý oblysynyń Jańaózen qala­syn­da tótenshe jaǵdaıdyń kúshinde bolýy ke­zeńinde 23 saǵat 00 mınýttan 7 saǵat 00 mınýt­qa deıin komendanttyq saǵat engizilsin. 3. Tótenshe jaǵdaıdyń kezeńinde Mań­ǵys­taý oblysy, Jańaózen qalasynyń komen­da­tý­ra­sy qurylyp, oǵan Qazaqstan Respýblı­ka­synyń «Tótenshe jaǵdaı týraly» Zańymen kózdelgen ókilettikter berilsin. Mańǵystaý oblysy, Jańaózen qalasynyń komendanty bolyp Mańǵystaý oblysy Ishki ister departamentiniń bastyǵy Amanjol Jaı­ǵa­lı­uly Qabylov taǵaıyndalsyn. 4. Tótenshe jaǵdaıdyń kúshinde bolýy kezeńinde mynadaı sharalar men ýaqytsha shekteýler engizilsin: 1) qoǵamdyq tártiptiń saqtalýy, asa ma­ńyzdy memlekettik jáne strategııalyq obek­ti­lerdiń, sondaı-aq halyqtyń tynys-tirshili­gin jáne kólik qyzmetiniń jumys isteýin qam­ta­masyz etetin obektilerdiń kúzetilýi kúsheıtilsin; 2) Mańǵystaý oblysynyń Jańaózen qala­synda júrip-turý erkindigi, onyń ishinde kólik quraldary qozǵalysynyń erkindigi shektelsin; 3) jeke tulǵalardyń jeke basyn kýálan­dy­ratyn qujattardy tekserý, olardy jeke tekserý, olardyń janyndaǵy zattaryn, kólik quraldaryn tekserý qamtamasyz etilsin; 4) Mańǵystaý oblysynyń Jańaózen qala­syna kirý, sondaı-aq odan shyǵý shektelsin; 5) jınalystarǵa, mıtıngiler men demons­tra­sııalarǵa, sherýler men tosqaýyldarǵa tu­rý­ǵa, sondaı-aq oıyn-saýyq, sporttyq jáne bas­qa da buqaralyq is-sharalar ótkizýge tyıym salynsyn; 6) ereýilderge jáne zańdy tulǵalardyń qyzmetin toqtata turýdyń nemese toqtatýdyń ózge de ádisterine tyıym salynsyn; 7) kóshirý-kóbeıtý tehnıkasyn, radıo jáne telehabarlaryn berý apparatýrasyn, dybys jáne beınejazba tehnıkasyn paıdalanýǵa shek qoıylsyn nemese tyıym salynsyn, sondaı-aq dybys kúsheıtkish tehnıkalyq quraldaryn ýa­qyt­sha alyp qoıý júzege asyrylsyn; 8) qarý, oq-dári, jarylǵysh zattar, arnaýly quraldar, ýly zattar satýǵa tyıym salynsyn, dári-dármektiń, esirtki zattardyń, psıho­troptyq zattardyń, prekýrsorlardyń, sondaı-aq etıl spırtiniń, alkogol ónimderiniń aına­lymyna erekshe rejim belgilensin; 9) jeke tulǵalardan qarý men oq-dárini, ýly zattardy ýaqytsha alyp qoıý, al zańdy tul­ǵalardan qarýǵa, oq-dárige jáne ýly zat­tar­ǵa qosa áskerı jáne jaýyngerlik oqý tehnı­kasyn, jarylǵysh jáne radıoaktıvti zattardy ýaqytsha alyp qoıý qamtamasyz etilsin. 5. Tótenshe jaǵdaıdyń kezinde qoldany­la­tyn sharalardyń iske asyrylýyna jaýapty bo­lyp Mańǵystaý oblysy, Jańa­ózen qalasy­nyń komendatýrasy, Qazaqstan Respýblı­ka­synyń Ishki ister mınıstrligi, Qazaqstan Res­pýblıkasynyń Ulttyq qaýip­sizdik komıteti, Qazaqstan Respýblıkasynyń Qorǵanys mınıstrligi, Qazaqstan Respýb­lı­kasynyń Tótenshe jaǵdaılar mınıstrligi belgilensin. 6. Qazaqstan Respýblıkasynyń Bas proký­ro­ry osy Jarlyqpen belgilengen sharalar men ýaqytsha shekteýlerdi iske asyrý kezinde zańdylyqtyń saqtalýyn qamtamasyz etsin. 7. Qazaqstan Respýblıkasynyń Úkimeti tóten­she jaǵdaı rejimin qamtamasyz etý úshin Qazaqstan Respýblıkasy Úkimeti rezervinen qajetti qarajattardy bólsin. 8. Osy Jarlyq qol qoıylǵan kúnnen bastap qoldanysqa engiziledi.   Qazaqstan Respýblıkasynyń Prezıdenti N.NAZARBAEV. Astana, Aqorda, 2011 jylǵy 17 jeltoqsan.