Jańa shara polıseılerge shtattan tys jaǵdaılardyń týyndaýyna meıilinshe jedel áreket etýge múmkindik beredi, dep habarlaıdy Atyraý oblysynyń О́ńirlik kommýnıkasııalar qyzmeti.
Jańa obektilerdiń JSQ aǵymdaǵy jyly naýryzda memlekettik saraptamanyń oń qorytyndysyn alyp, stasıonarlyq polısııa beketteriniń qurylysy bastaldy.
– Atyraý qalasyna kire beristerde barlyǵy 4 beket salynady. Olar Astrahan, Oral, Qulsary jáne Inder jaqtarynan kiretin joldarda bolmaq. Bul polıseılerge qandaı da bir shtattan tys jaǵdaılar týyndaǵan kezde meıilinshe jedel áreket etýge, sondaı-aq qalaǵa kiretin jáne shyǵatyn barlyq avtokólikter týraly derekterdi bilýge múmkindik beredi, - dedi Atyraý oblystyq IID baspasóz qyzmetinde.
Spıkerdiń aıtýynsha, qylmystardyń negizgi bóligi kóbine demalys kúnderi Atyraýǵa jeńil tabys tabýǵa basqa oblystardan keletin «gastrolerlermen» jasalady. Sondaı-aq avtomobıl aǵynyn múltiksiz baqylaý úshin balyq aýlaý maýsymy kezinde beketterdiń róli erekshe mańyzdy, bul brakonerlikpen kúreske aıtaprlyqtaı úles qosatynyn atap kórsetti departament ókili.
Beketter barlyq avtokólikterdi esepke alýdy avtomatty rejımde júrgizetin derekter bazasy bar beınekameralarmen jabdyqtalatyn bolady. Atyraý oblysy Qurylys basqarmasynyń aqparaty boıynsha obektiler qurylysyn aǵymdaǵy jylǵy qyrkúıekte aıaqtaý josparlanýda. Jańa beketter Atyraý-Oral, Atyraý-Inder, Atyraý-Aqtaý jáne Kotıaevka-Rýbej avtojoldarynda ornatylady.
Esterińizge salsaq, buǵan deıin 2016 jyly óńir basshysy Nurlan Noǵaev Inder aýdanyna jumys sapary kezinde qaladan shyǵatyn jerlerde polısııa beketteriniń qurylysyn salý tujyrymdamasyn ázirleýge tapsyrma bergen bolatyn. Oblys ákimi mundaı sharanyń kólik aǵynyn baqylaýdy kúsheıtýge múmkindik beretinin, júrgizýshilerdi tártipke salatynyn jáne jol qozǵalysynyń qaýipsizdigine qolaıly áserin tıgizetinin basa aıtty.