Burhanbulaq – tabıǵattyń tumsa bólshegi

Biz buǵan deıingi «Býdda beı­ne­lengen tas» atty jazba­myz­da Te­keli qalasynan oń­tús­tik shy­ǵysqa qaraı órleı shy­ǵa­tyn jol boıyndaǵy tabıǵat ǵa­jaı­y­by jaıly jazǵan edik. Erin­be­gen adam «Egemenniń» bur­na­ǵy san­da­­rynan ony taýyp, oqyp alar deı­­miz. Bul joly sol izben il­ge­­ri­lep, Azııa ta­rı­hy­na ta­bı­ǵat­tyń ǵajaıyp sy­ıy bolyp engen Bur­hanbulaq sar­qy­ra­ma­syna bet ala­myz...

...Kenshiler qalasynan attap basqan qadamyńyzdyń elý besinshi sha­qyrymy Qora shatqalyna ke­lip tireledi. Bul Jońǵar Alataý­y­na suǵyna kirip, uly taý­lar ete­gine oranǵanyńyzdy bil­di­re­tin tas qaqpa ispetti. Qora shat­qa­­­lynyń kireberisinde turǵan, ju­­­rt qasıetti tas dep sanaıtyn Býd­­danyń sýreti týraly al­dyń­ǵy jazbamyzda aıttyq. Jal­py, de­­malys izdegen adamǵa jol boı­yn­­daǵy qyzyqtan góri sar­qy­ra­ma­­nyń salqyn sýy men tylsym áse­ri tańsyq dep oılaımyz.

Sonymen, Burhanbulaq nesi­men baýraıdy? Muny az sóz­ben túsindirýge tyrysaıyq. Bas­tysy – Azııadaǵy eń bıik sarqyramanyń biri. Bastaýyn Jońǵar Alataýynyń jotasyn­da­ǵy muzdyqtardan alǵanymen, jer asty sý kózderiniń mol­dyǵy sarqyrama sýynyń mól­dir­­­ligi men tazalyǵyna kepildik be­­redi. Sarqyramanyń ózi te­ńiz deńgeıinen 2000 metr bı­ik­­­tikte ornalasqandyqtan, sý aǵy­synyń kúshi birshama qýat­ty. Tastan qulaı aqqan altyn kó­­bik­ti aǵynnyń uzyndyǵy 50 sha­qyrymǵa deıin jetedi deı­di. Ne­gizinen, Burqanbulaq tabı­ǵat­tyń ózi jasaǵan sý qoımasy sı­ıaq­ty. Sarqyrama arnasyna 255 sha­qy­rymǵa jetetin sý jınalady de­gen derek bar. Jotany jaǵalaı aq­qan sý taýdyń arǵy betindegi Jar­kent óńirine deıin jetip, Úsek ózenine baryp quıady.

Ásili, syldyrap aqqan sý­dyń dybysy men samaldap es­ken salqyn lep ári aınala múk bas­qan tastardyń tylsym til­siz­­­digi qala shýynan qashyp, júı­ke tynyshtyǵyn ańsaǵan adamǵa taptyrmaıtyn demalys bolsa ke­rek. Munan bólek, Bur­han­bu­laq­tyń sýynyń quramy kúkirt pen sýtegi elementterine baı eken. Demek emdik qasıeti de bar ekeni daýsyz.

Jalpy, Burhanbulaqtyń ke­re­metine bizdiń jazýymyzsha tam­sanbaı, týralap kelip kórgen du­rys shyǵar. Ol úshin Tekeli qa­la­sy­na at basyn buryńyz. Aıt­paq­shy, Burhanbulaqqa jetýde az­daǵan qıyndyq kezdesýi múmkin. Taý jotalarynyń arasyndaǵy qııa joldarda tek arnaýly tehnıka ǵana júredi. Jaqynda osy mań­da jol tańdamaıtyn kó­lik aý­darylyp, jolaýshylar qut­qa­rýshylardyń kómegine j­ú­gin­gen bolatyn. Biraq betińiz qaı­t­pa­syn, tabıǵattyń tumsa ból­she­gin kózben kórý úshin qandaı da bolsyn táýekelge barýǵa bolar...

Qalmahanbet MUQAMETQALI,

«Egemen Qazaqstan»

Almaty oblysy