Mańǵystaýda Fort-Shevchenko mańyndaǵy jel elektr stansııasyn salý boıynsha jobany iske asyrý úshin yntymaqtastyq týraly memorandýmǵa qol qoıyldy. Qujatqa Mańǵystaý oblysynyń ákimi Eraly Toǵjanov, «South Wind Power» JShS-nyń bas dırektory S.Parsıkıan, jáne «Horgos Jiuhe SilkBridge New Energy Co.,Ltd kompanııasynyń ókili Huang Cheng qol qoıdy.
Investorlar qýaty 2,5 kVt quraıtyn 17 jel generatorlaryn ornatyp, qurylys kezeńinde 70 adam jumyspen qamtylatynyn aıtty. Investısııa kólemi 60 mln. dollardy quraıdy.
«Jel qondyrǵysynyń qurylysy «jasyl ekonomıkaǵa» kóshý, qorshaǵan ortaǵa zııan keltiretin ınnovasııalyq tehnologııalardy júzege asyrý bolyp tabylady jáne bul joba elektr energııasynyń qajettilikterin qanaǵattandyrýǵa kómektesedi. Túpqaraǵan aýdanynda 375 gektar jerdegi 42 MVt jel qondyrǵysynyń qurylysy bastalady. Atalmysh joba boıynsha aǵymdaǵy jyldyń tamyz aıynda qurylys jumystary bastalady», dedi oblys ákimi Eraly Toǵjanov.
Búgingi kúni jer telimin rásimdeý boıynsha sharalar qabyldanyp, zańnama ázirlenip, kelisilgen qujattamalar oń qorytyndysyn aldy.
Sondaı-aq, jobaǵa jańartylatyn energııa kózderin paıdalaný obektileriniń ornalasýy boıynsha jospar engizildi, esep aıyrysý jáne qarjy ortalyǵymen satyp alý týraly kelisimge qol qoıylyp «Mańǵystaý elektr jelilerin bólý kompanııasy» AQ-men jelilerine qosylý týraly kelisim jasaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy