Aǵymdaǵy jyl Aqtóbe oblysynda Bala jyly dep jarııalanǵan bolatyn, sonyń aıasynda «Baqytty bala» aýqymdy jobasy júzege asyrylýda. Bul bastama Bilim jáne ǵylym mınıstrligi tarapynan qoldaý tapty. Sonymen birge, jobaǵa qatysýǵa otbasy jáne bala máselelerimen aınalysatyn halyqaralyq uıymdar men qaıyrymdylyq qorlary nıet bildirdi. Basty maqsat – balalarǵa, olardyń ıntellektýaldyq, fızıkalyq, rýhanı-adamgershilik jaǵynan damýlaryna qolaıly jaǵdaı jasaý.
Búginde joba barlyq segiz baǵyt boıynsha tabysty júzege asyrylyp jatyr. Sonymen, bilim basqarmasynyń málimetinshe, «Balalardyń IT álemi» baǵyty aıasynda 20 mektepti ınteraktıvti jabdyqtarmen, keshendi robot tehnıkalarymen, 3D-prınterlermen jabdyqtaý jalǵasýda. Bul jumys búginde Qobda, Mártók, Oıyl, Temir jáne Hromtaý aýdandarynda tolyqtaı aıaqtaldy.
Erekshe qajettiligi bar balalardyń quqyǵyn qamtamasyz etý jáne ómir súrý sapasyn jaqsartý sharalary qabyldanýda. Bul úshin «Kedergisiz bilim» is-sharalarynyń jekelegen blogi jasalǵan. Erekshe balaqaılarǵa arnalǵan balabaqsha men Qazaqstandaǵy tuńǵysh jyl boıǵy ınklıýzıvti «Kúnshýaq» demalý jáne saýyqtyrý lageri endigi ashylyp, jumys jasap jatyr. Budan basqa, serebraldy sal aýrýymen jáne aýtızmmen aýyratyn balalar úshin psıhologııalyq-medısınalyq-pedagogıkalyq keńes berý, ońaltý ortalyqtary ashyldy. Jalpy, oblystaǵy 34 mektepke kedergisiz bilim berý ortasyn jasaý kózdelgen.
«Deni saý bolashaq» blogin júzege asyrý úshin búkil oblys boıynsha 140 sport, oıyn jáne vorkaýt alańdary, sonymen qatar jabyq sport kesheni men 24 hokkeı korttary salynyp jatyr. Bul maqsatqa 385 mln teńgeden astam qarajat aýdarylmaq. Densaýlyǵynda kúrdeli kináráti bar balalar qymbat turatyn medısınalyq qyzmetterdi tegin alatyn bolady, sonyń ishinde Ońtústik Koreıa men Túrkııaǵa emdelýge jiberiledi.
Osy jylǵy tamyz aıynyń sońyna deıin 118 myń bala jazǵy demalyspen qamtylmaq. 10 myńnan asa bala Qazaqstannyń kıeli jerlerine tegin saıahattaý úshin múmkindik aldy, taǵy júzdegen jas aqtóbelik Tatarstan, О́zbekstan, RF-nyń Orynbor oblystaryndaǵy saýyqtyrý jáne bilim berý lagerlerinde bolyp qaıtady. Sonymen birge Aqtóbeniń ózinde «Artekke» uqsaýy tıis «Ásem» jyl boıǵy lageri ashylǵan bolatyn.
Budan ózge, «Baqytty bala» jobasy aıasynda kásiporyndar men memlekettik organdar jetim jáne ata-ana qamqorynsyz qalǵan myńdaǵan balany óz qamqorlyqtaryna aldy. Olar balalardyń Turǵyn úı qurylys jınaq bankindegi esepshottaryn únemi toltyryp otyrady. Aıta keteıik, joba bastalǵaly beri 58 jetim bala baspanaly boldy.
Temir Qusaıyn