Tabıǵaty kelisti Taýly Úlbide ornalasqan «Daryn» bazasynda «Rýhanı jańǵyrý: Jastyq jiger!» atty jastardyń belsendi jazǵy lageri uıymdastyryldy.
Jazǵy mektep aıasynda semınar-trenıngtermen qatar «Qazaqstannyń 100 jańa esimi» jobasynyń jeńimpazdary atanǵan Serik Esmatov, Valentın Alıfanovpen jáne kásipker-trener Emın Askerovpen suhbat alańdary quryldy.
- Jazǵy lagerge arnaıy shaqyrylǵan Naýryzbaı Nurlybaev, Botagóz Begmanova, Farıda Musataeva syndy trenerler, sonymen qatar, «Nur Otan» partııasy janyndaǵy «Jas Otan» jastar qanatynyń atqarýshy hatshysy Dáýlet Karıbek te jastarmen kelip, taǵylymdy áńgimeler júrgizdi,-dedi Semeı qalasyndaǵy Jastar resýrstyq Ortalyǵynyń dırektory Oljas Soǵymbaı,-«Rýhanı jańǵyrý» baǵdarlamasy aıasynda uıymdastyrylǵan osynaý jazǵy mektepke qala men aýdandardan kelgen 100-ge jýyq jas qatysty. Árbir jas óziniń belsendilikterimen kózge túsip, ónerlerin ortaǵa saldy.
Semeı qalasynan qatysqan 14 jas delegat el men jerdiń áleýmettik jǵadaılary, tabıǵatty aıalaý, tarıh qundylyǵy sııaqty ózekti máselelerden rýhanı tárbıelik sabaqtar alyp qaıtty.
Raýshan NUǴMANBEKOVA,
Semeı