Denıs Tenniń ólimine qatysty úshinshi adam - Janar Tolybaeva 2 aıǵa qamaýǵa alyndy, dep habarlaıdy Almaty qalalyq sottyń baspasóz qyzmeti.
Buǵan deıin QR Bas prokýratýrasy sportshy Denıs Tenniń ólimine qatysty úshinshi adamnyń ustalǵany týraly habarlaǵan.
Almaty qalalyq soty baspasóz qyzmetiniń málimetinshe, ustalǵan adamǵa qatysty 2 aıǵa qamaý týraly bultartpaý sharasy qoldanyldy.
«Almaly aýdandyq sotyna Janar Tolybaevany eki aıǵa qamaýǵa alý týraly bultartpaý sharasyn sanksııalaýǵa ótinish tústi. Áıel adam QR QK 434-baby men 188-babynyń 2-bólimimen 2 aıǵa qamaýǵa alyndy», - dep habarlaıdy qalalyq sottan.
Aıta keteıik, QR QK 434-baby boıynsha, bolǵan nemese josparlanǵan qylmys týraly aqparatty ýaqtyly habarlamaǵany úshin kúdikti 14 mln 400 myń teńge aıyppul tóleýi nemese 6 jylǵa bas bostandyǵynan aıyrylýy múmkin. Sondaı-aq, boıjetken kúdikti QR QK 188-baby urlyq jasaǵany úshin aıyptalýda. Eger onyń atalǵan bap boıynsha kinási dáleldengen jaǵdaıda, ol 1000 AEK, ıaǵnı 2 mln 405 myń aıyppul tólep nemese 3 jylǵa deıin sottalady