Elimizdiń basym bóliginde antısıklondyq yqpaly saqtalady, atmosferalyq aýa aǵyndardyń ótýine baılanysty tek soltústik, ortalyq jáne shyǵystarynyń keı jerlerinde naızaǵaı oınap jańbyr jaýady, dep habarlaıdy Qazgıdromet.
Jel kúsheıip ońtústiginde shańdy daýyl turady, túnde jáne tańǵy ýaqyttarda soltústik jáne ortalyqta tuman kútiledi, kúndiz soltústikte burshaq jaýýy múmkin. Soltústik Qazaqstan oblysynda túnde jáne tańerteń keı jerlerde tuman, kúndiz keı jerlerde daýyl, jeldiń kúsheıýi 15-20 m/s kútiledi, burshaq jaýýy múmkin.
Aqmola, Qaraǵandy oblystarynda túnde jáne tańerteń keı jerlerde tuman, kúndiz Qaraǵandy oblysynyń keı jerlerinde jeldiń jyldamdyǵy 15-20 m/s kúsheıýi kútiledi. Jambyl, Túrkistan, kúndiz Qyzylorda oblystarynyń keı jerlerinde jel 15-20 m/s shańdy daýylmen kúsheıýi kútiledi. Shyǵys Qazaqstan, Qostanaı oblystarynda kúndiz keı jerlerinde jel 15-20 m/s kúsheıedi.
Atyraý, Batys Qazaqstan, keı jerlerde Aqtóbe, Mańǵystaý, Qostanaı, Qaraǵandy oblystarynda qatty ystyq kútiledi.Qyzylorda, Túrkistan, keı jerlerinde Aqtóbe, Atyraý, Batys Qazaqstan, Mańǵystaý, Qostanaı, Jambyl, Almaty oblystarynda joǵary órt qaýipi saqtalady.