«Meıirim» atty oblystyq mamandandyrylǵan bóbekter úıinde qaıyrymdylyq sharalary ótkizildi. Onyń basty maqsaty – jetim balalarǵa júrek jylýyn darytý, olarǵa jyly otbasylyq mereke syılaý, dedi atalǵan áleýmettik mekemeniń dırektory Asqar Tabyldıev.
Shara kezinde tárbıelenýshilerge qazaqstandyq búldirshinderdiń qamqorshysy men janashyry Sara Nazarbaevanyń quttyqtaý sózderi men izgi tilekteri jazylǵan ashyq hattar tapsyryldy. Sondaı-aq, qor atynan bóbekter úıine arnaıy jabdyqtar men damytý oıyndary tartý etildi. Sharaǵa kelgen demeýshiler men izgi jandar da kól-kósir syılyqtar usyndy.
Mereke kezinde bal-bóbekter taqpaqtar men óleńder aıtyp, bı bıledi. Sýret salý boıynsha synǵa tústi. Sóıtip, «Rızashylyq» atyna zaty saı mándi de sándi shara bolýymen bóbekterdiń kóńilinde jattalyp qaldy.
Temir QUSAIYN.
Oral.