Almatydaǵy aýla komandalary arasyndaǵy fýtbol lıgasynyń oıyndary bıyl Denıs Tendi eske alýmen bastaldy.
Bul 19-26 tamyz aralyǵynda ótetin fýtzaldan álem chempıonatyna daıyndyqtyń basy bolyp tabylady. Aıta ketý kerek, atalmysh týrnırde 1200-ge jýyq uldar men qyzdar qatysyp, jalpy sany 140-tan astam komanda óner kórsetti.
Ulttyq qurama oıynshylary aýla lıgasynyń aldyńǵy týrnırinde jeńiske jetken «Olımp» komandasymen jolyqty. Tartysty týrnırdi aýla lıgasynyń qatysýshylary tamashalap, kópshiligi «Olımpqa» jankúıerlik tanytty. Alaıda, tájirıbeli fýtzalshylar olardy 4:1 esebimen utty.
– Týrnır óte qyzyqty ótti. Barlyǵy da jaqsy oınaıdy eken. Biz de balalyq shaǵymyzdy eske aldyq. О́zimiz de osyndaı jarystardan, aýladan fýtbol bastaǵan edik. Endi keıingilerge kelip, qoldaý kórsettik. Aldaǵy álem chempıonatyna qyzý daıyndalýdamyz. Jaqynda Qyrǵyzstanda jıyn ótkizdik. Bir sózben aıtqanda, jeńisten úmitimiz zor, – deıdi ulttyq qurama oıynshysy Aqjol Dáribaı.
Oıyn nátıjesinde 8-14 jas aralyǵyndaǵy qatysýshylardan «Arystan», «Bajenova» men «Meteor» komandalary júldeger atansa, eresekter arasynda 15+ «Karıbıan», AZTM jáne «Tarǵap» ujymdary jeńiske jetti.
Aıta ketý kerek, fýtzaldan stýdentter arasyndaǵy álem chempıonaty tamyzdyń 19-26-sy kúnderi Almaty Arena jáne Halyk Arena muz saraılarynda ótetin bolady. Oǵan 9 áıelder, 16 erler ulttyq quramalary qatysady dep kútilýde. Qazaqstannyń erler ulttyq quramasy bir topta Chehııa, Belarýs, Jańa Zelandııaǵa qarsy óner kórsetse, áıelder komandasy Portýgalııa, Fransııa jáne Jańa Zelandııamen oınamaq.
Aınash ESALI, «Egemen Qazaqstan»