Ortalyq kommýnıkasııaldar qyzmetinde «Mektepke jol» aksııasy bastalýyna arnalǵan baspasóz máslıhaty ótti.
Qazaqstan Respýblıkasy Bilim jáne ǵylym mınıstrligi «Mektepke jol» dástúrli respýblıkalyq qaıyrymdylyq aksııasyn ótkizý týraly jarııalaıdy. Bilim jáne ǵylym mınıstrliginiń áleýmettik baǵyttaǵy bastamasy búkil respýblıka boıynsha 2018 jylǵy 1 tamyzben 30 qyrkúıek aralyǵynda ótkiziledi.
Aksııanyń maqsaty – az qamtylǵan jáne kóp balaly otbasylarynan, jetim jáne ata-anasynyń qamqorlyǵynsyz qalǵan balalarǵa jańa oqý jylyna daıyndyq kezeńinde kómek kórsetý jáne áleýmettik sebepter boıynsha balalardyń mektepke barmaýyn aldyn alý.
Sharaǵa Bilim jáne ǵylym mınıstrligi Balalardyń quqyqtaryn qorǵaý komıtetiniń tóraǵasy Nurbek Orshýbekov; «Nur Otan» partııasy ortalyq apparatynyń uıymdastyrý jáne aımaqtyq jumysy departamenti dırektorynyń orynbasary Saqtaǵan Sádýakasov; Astana qalasy Bilim basqarmasy basshysynyń orynbasary Baǵlan SMATAEVA qatysty.
«Aksııany ótkizýdiń on jyly ishinde 2 mln.-nan astam balaǵa jalpy somasy 17 mlrd. teńgeden astam materıaldyq kómek kórsetildi. Demeýshiler men mesenattar jalpy somasy 7,9 mlrd. teńgeden astam kómek pen qoldaý kórsetti. Memlekettik organdar, ulttyq kompanııalar jáne aksıonerlik qoǵamdar jyl saıyn aksııaǵa belsendi qatysady».
Qazaqstan Respýblıkasy Bilim jáne ǵylym mınıstrligi elimizdiń barlyq azamattaryna, bıznesmenderge, kásipkerlerge, mesenattarǵa aksııaǵa qosylýǵa jáne ómirlik qıyn jaǵdaıǵa tap bolǵan balalarǵa, otbasylarǵa kómek kórsetýde, sondaı-aq mektepke óz jolyn tabýǵa qol ushyn berýde úlesterin qosýǵa shaqyrady.
Barlyq aksııaǵa qosylýǵa tilek bildirýshilerge Balalardyń quqyqtaryn qorǵaý komıtetiniń telefonyna – 8 (7172) 74 21 40, sondaı-aq oblystardyń, Astana, Almaty jáne Shymkent qalalarynyń bilim basqarmalaryna habarlasýyńyzdy suraımyz.