Qyzylorda oblystyq jastar saıasaty máseleleri basqarmasy men «Qazaqstan KVN» Odaǵy RJQB «Qyzylorda KVN» fılıalynyń uıymdastyrýymen 2018 jyldyń 26 sáýir kúni saǵat 15.00-de oblystyq «Mektep lıga» jaıdarman oıyndarynyń fınaldyq saıystary ótti.
Komandalarǵa ádil baǵasyn berer ádilqazylar alqasynyń quramynda «Qyzylorda KVN» fılıalynyń dırektory A.Basarov, ardager jaıdarmanshy A.Baqtybaıuly, kezindegi «Maqtanshaqtar» jáne «Qorqyt quramasy» komandasynyń beldi oıynshysy Q.Ospanov, respýblıkalyq «Premer lıga» jaıdarman oıyndarynyń 2013 jylǵy chempıondary «Tuńǵysh Astana» komandasynyń múshesi A.Shómenov jáne qalalyq «Jastar resýrstyq ortalyǵy» KMM-niń dırektory J.Dosmahanov boldy.
Saıys eki kezeńdi qamtydy. Sálemdesý jáne juldyzdy kórinis. Tartysty ótken saıystyń qorytyndysy boıynsha:
Oblystyq «Mektep lıgasy» boıynsha: Chempıon 2018 – Baıqońyr qalasynyń «Bir úıdiń baldary» komandasy, júldeli 2 oryn – Aral aýdandyq oqýshylar úıi «Daryn» komandasy, 3 oryn – Jalaǵash aýdany Jańatalap aýylynyń «Bıznesmender» komandasy ıelense, arnaıy alǵys hattarmen qalalyq qosymsha bilim berý oqý – ádistemelik ortalyǵynyń «Intellekt» komandasy, Jalaǵash aýdanynyń «Táttiler» komandasy ıelendi.
Qatysýshylar uıymdastyrýshylar tarapynan dıplom, alǵys hattar jáne kýboktarmen marapattaldy.