Bıyl grant kóbeıdi

Basqosýda málim bolǵandaı, jyl boıy mınıstrlik irikteý sapasyn arttyrý jáne stýdentter kontıngentin qalyp­tas­tyrý boıynsha birqatar júıeli jumystar atqarǵan. Ma­ńyzdysy, bıyl Mem­leket bas­shysy Nursultan Nazar­baev­tyń «Bes áleýmettik bas­tama­sy» aıasynda memlekettik tap­syrystyń kólemi 20 myń grantqa artyp otyr. Onyń 11 my­ńy tehnıkalyq baǵyttarǵa, onyń ishinde aqparattyq tehnologııalar, robot tehnıkasy jáne nanotehnologııalar salalaryna, 5 myńy eńbek naryǵynda qa­jet­tilik baıqalyp otyrǵan basqa ma­mandyqtarǵa, 3 myńy magıstr­lerdi daıarlaýǵa, 1 myńy PhD dok­tor­laryn daıarlaýǵa baǵyt­taldy. Sóıtip joǵary bilim grant­tarynyń sany 53 594-ke jet­ken.

Bilim granttarynyń 5944-i kúndizgi oqytýdyń 1-kýrsyna, 2650-i joǵary oqý oryndarynyń da­ıyndyq bólimderine qabyl­daýǵa bólingen. Kórse­tilgen ba­sym­dyqtardy eskere otyryp, 24737 grantty tehnıkalyq já­ne tehnologııalyq maman­dyq­­tarǵa, 9499 grantty peda­­go­­gıkalyq, 2785 grantty aýyl sharýashylyǵy jáne veterına rııa, 2700 grantty medı­sı­na­lyq, 1450 grantty gýma­­nı­­tar­lyq, 100 grantty quqyq, 300 grant­ty óner, 1780 grant­­ty áleý­­mettik ǵylymdar, eko­no­mıka jáne bıznes, 3246 grant­ty ta­bı­ǵı ǵylymdar, 2330 grant­ty qyz­met kórsetý, 500 grantty ás­kerı is jáne qaýip­siz­dik maman­dyq­taryna bólý kóz­delip otyr. So­nymen qatar mem­lekettik tap­syrysty ornalas­tyrýǵa ruq­sat etilgen joǵary oqý oryn­darynyń tizimi de to­lyǵa túsken.

Bilim granttaryn ta­ǵaıyndaý konkýrsyna 75430 adam qujat tapsyrǵan eken. Sonyń 60327-si qazaq tilinde bilim alǵysy keletini aıtyl­dy, al 14810-y orys tilinde oqýǵa nıet bildirgen, al aǵyl­shyn tilin 293 talapker qajetsi­nip otyr, dedi mamandar. Oǵan qosa «Máńgilik el jastary – ındýs­trııaǵa!» jobasynyń aıasynda stý­den­t­terdi oqytý kvotasy boıyn­sha konkýrsta 5494 adam bilimin synap kórmek.

Dınara BITIK,

«Egemen Qazaqstan»