Elbasymyzdyń «Rýhanı jańǵyrý» baǵdarlamasy maqalasy aıasynda Qaztalov aýdany ortalyǵynda tarıhı-ólketaný mýzeıi ashyldy. О́ńirdiń ótken-ketkeninen mádenıet mekemesiniń shańyraq kóterýi árıne, jaqsylyqtyń belgisi.
Mýzeıdiń ashylý saltanatynda sóz alǵan aýdan ákimi Abat Shynybekov. «О́lkemizdiń tarıhy men tabıǵatynan mol maǵlumat beretin osy murajaı óskeleń urpaqtyń súıikti ornyna aınala bersin! degen tilegin jetkizip, mýzeı ujymyna KSRO-nyń halyq ártisi, jerlesimiz Hadısha Bókeevanyń portretin syıǵa tartty.
Jańadan tusaýy kesilgen ólketaný mýzeıiniń qorynda qazirdiń ózinde 2 jarym myńnan astam jádiger bar. Tarıhtyń talaı-talaı aıtýly oqıǵasy ótken shejireli topyraqtaǵy ulaǵat uıasynda Qaztalov aýdanynyń ótkeni men búgini kórinis tapqan. Ǵımarat 4 ekspozısııalyq bólmeden turady.
Mýzeı jetekshisi Nazkesh Adaıalıevanyń aıtýynsha, kópshilik kózaıymyna aınalar jádigerler kúnen-kúnge tolyǵý ústinde eken. Týǵan jeri men ósken eliniń keshegisi men búgingisine beıjaı qaraı almaıtyn kókregi oıaý aǵaıyn úılerinde ártúrli sebeptermen osy ýaqytqa deıin saqtalyp kelgen qundy dúnıelerdi ákelip tapsyryp jatqany óte qýanarlyq jaǵdaı. Jaqsy dástúr aldaǵy ýaqytta da jalǵasyn taba bergeı.
Qaırat JAQYP
Batys Qazaqstan oblysy,
Qaztalov aýdany