On bir jasar jazýshy

Qazirgi jastar kitap oqy­maı­dy degen pikir jıi aıtylady. Muǵalimder kerisinshe aıt­qa­ny­men astarynda shyn­dyq joq emes. Birde Asta­nada teledıdar­dan úzdik oqy­ǵan bir top oqýshyny kór­setti. Áldebir synaqta úz­dik shyǵyp, iriktelgen oqý­shylar. Áserli áńgimege el­tip otyrǵan júrgizýshi sóz ara­­synda «Abaı jolyn» kim jaz­dy?» dep qalǵan. Álgi­n­de ǵa­na bulbuldaı saırap otyr­ǵan úzdik oqýshylar ańta­ryl­dy da qaldy.

Biraz qalamgerlerdiń aty-jóni ketti. Muhtar Áýe­zov dep ta­bandap turyp alǵan biri joq. Ana jaǵdaıǵa syrttan qa­raýdyń ózi aıanyshty.

«Aý, bizdiń kezde.., biz­diń balalyq shaqta...» dep maqta­nyp, kósile jóneleıin deseń, son­aý bala ke­zińdegi ki­taptyń dámin alyp tamsanyp oqyp júr­gen shaǵyńmen jas­­tas qyzyl­ordalyq on bir ja­sar qyz bú­ginge deıin elý ertek jazyp tas­tapty. Al­ty­naı Berik­tiń al­ǵashqy ki­ta­byn qazaq rýhanı­ıaty­­nyń úlken janashyry Qy­rym­bek Kósherbaev baspadan shy­ǵa­ryp berdi. Qyzylordalyq jas órenniń shyǵar­mashy­lyq tabysy Elbasyna deı­in je­­tip, aqtileý aıtyp «Eýra­zııa júre­gin­de» atty kitabyn syı­­laǵan eken.

Altynaıdyń alǵashqy kita­­by­na onyń 32 ertegisi, 13 óleńi men 10 shaqty áńgimesi en­gen. En­di ol ekinshi kitabyn shy­ǵa­rý­ǵa daıyndyǵyn jasap jatyr.

– Búginde balalar kitap oqy­­maıdy, ǵalam­torǵa kir­gendi una­tady degen pi­kirdi men de es­tı­min, – deıdi jas jazý­shy. – Ondaı ádetti dos­ta­rym­nan da baı­qaımyn. Ki­tap oqý – úlken máde­nı­­ettilik. Bul adam­dardy áde­mi­­lik­ti sezinýge, jaq­sy adam bo­lýǵa tár­bıe­leıdi. Jaq­sy kitapty áleýmettik je­li esh­­qashan aýystyra almaıdy. Son­dyq­tan dostarymdy ki­tap oqýǵa shaqyramyn.

On bir jasynda ekinshi ki­­ta­byn jaryqqa shyǵarýǵa daı­­yn­dap jatqan oqýshy óz qa­tar­las­tarynyń túbinde ki­tapqa oralatynyna senedi.

Baqtııar TAIJAN,

«Egemen Qazaqstan»

Qyzylorda oblysy