Sherý «Adal jol» marafony aıasynda ótti, dep habarlaıdy Atyraý qalalyq ákimdiginiń baspasóz qyzmeti.
Sherýge shamamen 30 birlik sý kóligi - 20 qaıyq, 2 ıahta, 6 gıdrosıkl jáne 1 keme qatysty. Sybaılas jemqorlyqqa qarsy marafonnyń qurmetti qonaqtary- karateden Álem chempıony - Ásel Serikova, mýaıtaıdan Álem chempıonatynyń qola júldegeri - Dıdar Bolatov, Kıkbokstan Álem kýbogynyń ıegeri - Azamat Ýtemısov.
Qatysýshylar marafonnyń jalaýyn , Qazaqstannyń memlekettik týyn kóterip ortalyq kópirden Retro saıabaqqa deıin júrip ótti. Atyraý qalasynyń turǵyndary men qonaqtary úshin konserttik baǵdarlama boldy.
Atyraý qalasy ákiminiń orynbasary Meıirim Qalaýıdiń aıtýynsha, bul aksııanyń maqsaty -qoǵamdaǵy sybaılas jemqorlyqqa qarsy mádenıetti qalyptastyrý, sondaı-aq halyqtyń, onyń ishinde jastardyń sybaılas jemqorlyqqa qarsy qozǵalysta barlyq toptarynyń ókilderin tartý bolyp tabylady.
- Mundaı sharalardy ótkizý arqyly bizdiń memleketimizdiń sybaılas jemqorlyqqa qarsy saıasaty bolashaqta oń nátıjesin beredi,- deıdi Meıirim Qalaýı.