3 tamyz kúni Aýǵanstannyń Paktıa ýálaıatynda shııtter meshitine shabýyl jasalyp, 20 adam qaza tapty. Ýálaıat polısııasynyń resmı ókili Sardar Ýálı Tabasýnnyń habarlaýynsha, jankeshti turǵyndar meshitke juma namazyna jınalǵan kezde bomba jarǵan.
Onyń sózinshe, polısııa ekinshi jankeshtini denesindegi bombany jarýǵa jetkizbeı kózin joıdy. Shabýyldan on shaqty adam jaralanyp, aýrýhanaǵa jetkizildi.
Ázirge shabýyldy eshkim moınyna almady. Biraq buǵan deıin osyndaı shabýyldardy Aýǵanstannyń shyǵysynda áreket etetin «Islam memleketi» (IM) ekstremıstik uıymy óz sodyrlary jasaǵanyn málimdegen edi.
IM Aýǵanstandaǵy shııtterdi «dinnen shyqqandar dep tanyp, jıi shabýyl jasaıdy.