Qazaqstandyq zaǵıp jáne nashar kóretin azamattardyń «Blind Race Astana-Paris» qurlyqaralyq velomarafony bastaldy.
Velosherýdiń negizgi maqsaty - salaýatty ómir saltymen qatar velosıpedti ekologııalyq taza kólik túri retinde nasıhattaý, sondaı-aq áleýmettik jáne ekotýrızmdi damytý. Sonymen qatar múgedektigi bar azamattar úshin velosportty paraolımpıadalyq sport túri retinde damytýǵa jaǵdaı jasaý. Quramy 16 zaǵıp jáne nashar kóretin jandardan turatyn velomarafonshylar Azııa men Eýropany jalǵastyratyn 6 el (Qazaqstan, Reseı, Belarýs, Polsha, Germanııa, Fransııa) men 30 qalany (Máskeý, Mınsk, Varshava, Berlın, Frankfýrt-de-Maıne, Parıj t.b.) qamtyp, barlyǵy 6 myń shaqyrymǵa jýyq joldy baǵyndyrýdy kózdeýde.
«2016 jyly múgedektigi bar azamattarǵa arnalǵan sporttyq jarysqa qatystym, sharanyń uıymdastyrý jaǵy óte tómen boldy, eshqandaı jaǵdaı jasalmaǵan, qazir parasport bir izge qoıylǵan. Sol kezde maǵan ózimizden bastamasaq bolmaıtyny túsinikti boldy. Mine búgingi velomarafon sonyń jemisi desek te bolady, ıaǵnı zaǵıp jáne nashar kóretin jandar da qoǵamnyń bir bóligi, bizdiń de ózdigimizden júrip- turyp, qoǵamǵa paıdamyzdy tıgize alatynymyzdy dáleldeý. Sonymen qatar negizgi maqsatymyz velosport pen parasportty nasıhattaý jáne bundaı joba Qazaqstanda tuńǵysh ret uıymdastyrylyp otyr», -dedi «Sport bez granıs» jobasynyń jetekshisi, «Astana-Parıj» velosherýiniń kapıtan komandasy Bahtııar Bazarbekov.