«Rýhanııat» partııasy Jambyl óńirinde

«Rýhanııat» partııa­sy­nyń saılaýaldy úgit-na­sı­hat jumysy keshe Qordaı aýdanynda jalǵasty. Atal­mysh partııanyń baǵdarla­ma­sy­na kóz júgirtsek, onda aýyl sharýashylyǵyna bas­ty basymdyq berý arqyly aý­yl­­dyń áleýmettik-ekono­mı­ka­lyq máselelerin sheshý, onyń ishinde dástúrli mal sharýashyly­ǵyn damy­tý, aýyl­dy sapaly aýyz sýmen qam­tamasyz etýge jan-jaq­ty qoldaý kórsetip, eńbek ónimdiligin on esege deıin arttyrýǵa qol jetkizýge múd­delilik te bar. Par­tııa, so­nymen qatar, shet elderdegi qan­dasta­ry­myz ben elge oral­ǵan aǵaı­yn­darǵa qam­qor­­lyq jasap, álemniń 45 elindegi 5 mıllıondaı qazaq dıaspora­sy­na memleket tara­pynan qam­qor­lyq kórsetý, olardyń ata­jurt­qa oralýyna, al elge oral­ǵan aǵaıyndarǵa tolyq­qan­dy jaǵdaı jasaýdy da oılastyryp otyr. Partııa 1986 jylǵy Jel­toq­san kóterilisi men 1930 jyl­dardaǵy asharshylyqqa saıa­sı baǵa berý men par­la­ment­tik-prezıdenttik bas­qarý pishinine ótýdi de moı­yn­da­ry­na alypty. Sonymen birge, jergilikti ózin ózi basqarý, sot júıesiniń táý­elsizdigin qam­ta­masyz etý, strategııalyq ma­ńy­zy bar kásiporyndardy mem­leket men­shigine qaıtarý, syrtqy qaryzdardy turaq­tan­dy­rý, mu­naıdan túsken paıda­ny halyq arasynda ádil bólý, medısınalyq qyzmet kór­setý, tegin bilim berý men ǵy­lymdy damytý, ulttyq mádenıetti ór­kendetý, eldegi demo­gra­fııa­lyq ahýal men jastar máse­le­sine den qoıý, Qazaqstandaǵy bar­lyq shet elge jalǵa berilgen áskerı po­lıgondardy jabý, Qazaq­stan ekolo­gııa­syn saýyqty­rý, ıadrolyq otyn bankin jáne AES salynýyna qarsy­lyq sııaq­ty jekelegen taraýlar da bar. Keshe «Rýhanııat» par­tııa­sy­nan partııalyq tizim boı­yn­sha kandıdattar – aqyn, «Jalyn» jýrnaly­nyń bas redaktory Muhtar Shahanov, «Qazaqstan Ult­tyq arnasy» baǵdar­la­ma­lar bóliminiń dı­rektory Sáýle Jırenshına jáne «Azamat-Qurylys» QK qu­rylysshysy Rasylhan Qu­daıbergenov aýdan orta­ly­ǵynda saılaýshylarmen kez­desti. Ortalyq aýrýha­na­nyń  májilis zalynda ótken kezdesýge aýrýhana ujymy men partııa ókilderi, bar­ly­ǵy 70-ke jýyq adam qa­tys­ty. Kezdesýde M.Shahanov 1991 jyl­men salystyr­ǵan­da ana tiliniń damýy, til­di damy­tý­da etken eń­begi, jáne memlekettik tildiń qazirgi jaǵ­daıy, sondaı-aq sy­baılas jemqorlyq pen ózi atsaly­syp júrgen qo­ǵam­dyq qyz­meti jaıly áń­gi­meleı kelip, saılaýshy­lar­dy «Rýhanııat» partııa­sy­na daýys berýge shaqyrdy. Kandıdattar saılaý­shy­lar­ǵa kúntizbe taratyp, aqyn M.Shahanovtyń kita­byn syılady. Keshe «Rýhanııat» par­tııa­synyń atalǵan ókilderi Taraz qalasyna da atbasyn tirep, saılaýshylarmen kezdesti. Par­tııanyń saı­laý­al­dy baǵ­dar­lamasymen tanys­ty­ryp, jurtshylyqty «Rý­ha­nııatqa» daýys berýge shaqyrdy. Kósemáli SÁTTIBAIULY. Jambyl oblysy.