«Otaý ishinen otaý tikkimiz kelmeıdi»

Keshe Almatydaǵy Ult­tyq baspasóz klýbynda Jal­pyulttyq sosıal-de­mokratııalyq partııasynyń bastamasymen baspasóz más­­lıhaty bolyp ótti. Bu­qaralyq aqparat qural­da­rynyń ókilderimen ótken kez­desýde Jańaózen men Shetpedegi oqıǵalardy tergeý boıynsha táýelsiz qo­ǵamdyq komıssııa quryl­ǵany málim boldy. Jal­pyulttyq sosıal-de­mokratııalyq partııa­sy­nyń  bas hatshysy Ámir­jan Qosanovqa baspasóz más­lı­ha­tynda kóterilgen má­sele­ler­ge oraı saýalmen qaı­y­rylǵan bolatynbyz.  Bizge bergen qysqa suhbatynda Jal­pyulttyq sosıal-de­mokratııalyq partııa­sy­nyń  bas hatshysy by­laı dedi: – Jańaózendegi oqıǵa­lar búkil qoǵamdy dúrlik­tir­geni ras. Prezıdent bul máselege qatysty óz pikirin aıtty. Úkimettik komıssııa qu­ryl­dy. Biraq, bizdi alańdatyp otyr­ǵan jáıt – birinshiden, aq­pa­rattyń jetimsizdigi, ekin­shi­den, bir­jaq­tylyǵy. Iаǵnı, tek resmı ókilderdiń aýzynan shyǵyp jatqan aqparat. Al ınternet jelisinde, el ishinde ártúrli áń­gi­meler aıtylyp jatyr. Son­dyqtan eldi ty­nysh­tan­dy­ratyn, halyq ara­syna iritki salmaý úshin, arandatý bolmaý úshin jan-jaqty, obek­tıvti kózqarastar kerek. Ol kózqarasty qalyp­tas­tyrý úshin biz qoǵam ókil­derinen – shyǵarmashylyq ıntellıgensııa, qoǵamdyq uı­ymdar men quqyq qorǵaý organdary jáne saıası par­tııalardyń ókilderi birigip, 18 adamnan turatyn táýelsiz qoǵamdyq komıssııa qurý tý­raly sheshim qabyl­dadyq. Bul komıssııa quramyna kirgen azamattardyń bári elge belgili. Osy komıs­sııanyń dýaly aýzynan shyq­qan sózge halyq senedi degen oıdamyn. Ekinshi másele, biz otaý ishinen otaý tikkimiz kelmeıdi. Úkimettik komıssııamen de, jergilikti organdarmen de jumys isteýge daıynbyz. Olarmen qoıan-qoltyq áreket etemiz dep oılaımyz. О́ıt­keni, ılegenimiz bir teriniń pushpaǵy. Bizdiń maqsat –Jańaózen oqıǵasyna qatys­ty aqıqat meılinshe aıtyl­syn degen oı. Talap etip ári usynys jasap otyrǵan úshinshi má­sele – osy oqıǵalardy zertteý jónindegi Elbasy deń­geıindegi Memlekettik komıssııa qajet. Sol komıssııa qurylyp, osy oqı­ǵanyń sebepteri men saldaryn, onyń naqty nelikten bolǵanyn aıtyp, osy jáne basqa da saýal­darǵa jaýap berýi tıis, – deıdi Ámirjan Qosanov. Komıssııanyń quramyna kirgenderdiń arasynda ja­zý­shylar Ǵabbas Qabyshev pen Sofy Smataev, JSDP-nyń ókilderi Ámirjan Qo­sa­nov, Bolat Ábilov, tirkelmegen «Alǵa» partııa­synyń jetekshisi Vladımır Kozlov, «Guljan.org» saıtynyń bas redaktory Gúljan Erǵa­lıeva, eko­no­mıst Muhtar Taıjan bar. Baspasóz máslıhatyn ót­kizgen uıymdastyrý­shy­lar komıssııa músheleriniń seısenbi kúni tańerteń Aq­taýǵa ushyp shyǵatyndaryn jetkizdi. Aınash ESALI. Almaty.