Bul tizimge halyqqa qyzmet kórsetý ortalyqtarynyń, Atyraý oblysy ákimdigi qurylymdyq bólimsheleriniń, sonymen qatar áleýmettik jeli, messendjerler, mobıldi qosymshalar arqyly kórsetilgen qyzmetter endi, dep habarlaıdy Atyraý oblysy ákiminiń baspasóz qyzmeti.
Atyraý oblysy ákiminiń baspasóz qyzmetiniń málimetinshe, 2016 jyly oblysta qalalyq kommýnaldyq qyzmetterdiń jumystaryn ońtaılandyrý baǵytynda sharalar bastaldy.
-Turǵyndar tarapynan olardyń jumystaryna, keri baılanystyń joqtyǵyna, suranymdar men shaǵymdarǵa jaı áreket etýlerine qatysty narazylyqtar boldy,- deıdi baspasóz qyzmeti. –WhatsApp qosymshasy arqyly barlyq negizgi kommýnaldyq qyzmetterge jedel jeli ashtyq, ol jumystyń jedeldigin, tıimdiligin joǵarylatty.
«Sıfrlyq Qazaqstan» baǵdarlamasyn júzege asyrý aıasynda, memlekettik qyzmet kórsetý quraldarynyń qataryn keńeıtý úshin jergilikti atqarýshy organdarmen Telegram qosymshasynda «Atyraý oblastyq ákimdigi» chat-kanaly, «Atyraý Sıfrlyq Qabyldaý» mobıldi qosymshasy ashyldy.
- Chat-kanal men mobıldi qosymshalar arqyly kórsetiletin qyzmetter jergilikti atqarýshy organdarǵa eldimekenderdegi problemalyq jaıttardy anyqtaýǵa septigin tıgizedi. Jol qozǵalysy qaýipsizdigin jaqsartýǵa, halyqpen ashyq dıalog ornatýǵa yqpal etedi. Olardy ashýdaǵy maqsat- jergilikti atqarýshy organdardyń memlekettik qyzmet kórsetýin, jaýap berýin qoljetimdi qylý-deıdi Atyraý oblysy ákiminiń birinshi orynbasary Serik Shapkenov. – Qazir memlekettik qyzmet kórsetýge qol jetkizý prosesin ońaılatatyn taǵy birneshe onlaın-quraldar jasalyp jatyr. Jergilikti atqarýshy organdarmen 600-den astam qyzmet kórsetiledi- barlyq tizim kezeń-kezeńmen avtomattandyrylady.
Shapkenovtyń aıtýynsha, oń ózgerister aldymen sáýlet jáne qala qurylysy, TKSh, jer qatynastary, qurylys salalarynda bolady.
Telegram qosymshasyndaǵy "Atyraý oblysy ákimdigi" chat-kanaly ashylǵaly beri ( 2017 jyldyń qyrkúıeginde) 2200-den astam ótinim qaraldy. "Atyraý Sıfrlyq Qabyldaý" mobıldi qosymshasynda 2018 jyldyń qańtarynan beri- 1087 ótinim. Chat-kanal men mobıldi qosymshany 7 myńnan astam paıdalanady.
Atyraý oblysyndaǵy halyqqa qyzmet kórsetý ortalyqtarymen 2017 jyly 1 176 412 memlekettik qyzmet kórsetildi, 2018 jyldyń basynan beri - 648 915 qyzmet.
Atyraý oblysy ákimi apparaty men ákimdiktiń qurylymdyq bólimshelerimen 2017 jyly 1 531 984 memlekettik qyzmet kórsetildi, 2018 jyldyń basynan beri - 611 095 qyzmet.